དེང་རབས་སློབ་གསོའི་ལག་རྩལ་གྱི་བྱེད་ཐབས་སྤྱད་དེ་བོད་རྒྱ་སྐད་གཉིས་སློབ་ཁྲིད་གང་ལེགས་སྤེལ་བ་དང་། བོད་ལྗོངས་དང་མཚོ་སྔོན། སི་ཁྲོན། ཀན་སུའུ། ཡུན་ནན་བཅས་ལྗོངས་ཞིང་ལྔའི་བོད་ཁུལ་གྱི་སློབ་གྲྭ་ཆུང་འབྲིང་གི་སྐད་གཉིས་དགེ་རྒན་རྣམས་ཀྱི་སློབ་གསོ་ཆ་འཕྲིན་ཅན་གྱི་ཆུ་ཚད་མཐོ་འདེགས་བྱས་ནས། སློབ་གསོ་སློབ་ཁྲིད་ཀྱི་སྤུས་ཚད་སྔར་ལས་ཀྱང་ཇེ་མཐོར་གཏོང་ཕྱིར། ལྗོངས་ཞིང་ལྔའི་བོད་ཀྱི་སློབ་གསོའི་མཉམ་ལས་འགོ་ཁྲིད་ཚོགས་ཆུང་གཞུང་སྒྲུབ་ཁང་(五省区藏族教育协作领导小组办公室)གིས་གཙོ་སྒྲུབ་མཛད་པའི་ལྗོངས་ཞིང་ལྔའི་བོད་རྒྱ་སྐད་གཉིས་སྨྱན་མང་ཁྲིད་ཆས་འགྲན་སྡུར་སྐབས་གསུམ་པ་དེ་ཕྱོགས་ཡོངས་ནས་སྤེལ་འགོ་བརྩམ་རྒྱུ་ཡིན།
དང་པོ། འགྲན་ཞུགས་བྱ་ཡུལ།
ལྗོངས་ཞིང་ལྔའི་བོད་རྒྱ་（དབྱིན）སྐད་གཉིས་སློབ་གྲྭའི་དགེ་རྒན་ཚང་མ་ཐེངས་འདིའི་འགྲན་སྡུར་ལ་ཞུགས་ཆོག
གཉིས་པ། སྨྱན་མང་ཁྲིད་ཆས་དཔྱད་འདེམས་དང་བྱ་དགའ་སྟེར་ཚུལ།
ལྗོངས་ཞིང་ལྔའི་བོད་ཀྱི་སློབ་གསོའི་མཉམ་ལས་འགོ་ཁྲིད་ཚོགས་ཆུང་གཞུང་སྒྲུབ་ཁང་གིས་ཆ་འཕྲིན་ལག་རྩལ་ཐད་ཀྱི་ཆེད་མཁས་མི་སྣ་དང་དགེ་རྒན་མིང་གྲགས་གདན་དྲངས་ནས་སྨྱན་མང་ཁྲིད་ཆས་དཔྱད་འདེམས་ཚོགས་པ་རྩ་འཛུགས་བྱས་ཏེ་ཞིབ་ཆ་ལྡན་ལ་ཚན་རིག་དང་མཐུན་པའི་ཚད་གཞི་དང་བླང་བྱ་ལྟར་གཅིག་བསྡུས་ངང་ཚན་ཞུགས་ཁྲིད་ཆས་ཚང་མར་དཔྱད་འདེམས་ལེགས་པོ་བྱ་རྒྱུ་ཡིན་ལ། ཕྱོགས་ཡོངས་ཀྱི་ལྟ་བའམ་བསམ་འཆར་གང་ལེགས་བསྡུས་ཏེ་དཔྱད་བསྡུར་མཇུག་འབྲས་དྲང་བདེན་ཡང་དག་ཡིན་པར་འགན་ལེན་བྱ་རྒྱུ་དང་འོས་མཐུན་གྱི་རྣམ་གཞག་བརྟེན་ནས་ཁྱབ་བསྒྲགས་བྱ་རྒྱུ་ཡིན།
འགྲན་སྡུར་ལས་འགུལ་གྱི་ཚན་ཞུགས་ཁྲིད་ཆས་དག་སློབ་གཞི་ཚན་ཁག་ལྟར་བྱ་དགའ་ཨང་དང་པོ་དང་། ཨང་གཉིས་པ། ཨང་གསུམ་པ། ཕུལ་བྱུང་བྱ་དགའ་སོགས་གདམས་པ་མ་ཟད། ལྗོངས་ཞིང་ལྔའི་བོད་ཀྱི་སློབ་གསོའི་མཉམ་ལས་འགོ་ཁྲིད་ཚོགས་ཆུང་གཞུང་སྒྲུབ་ཁང་གིས་བྱ་དགའ་ཐོབ་མཁན་ལ་བྱ་དགའ་ཐོབ་པའི་ལག་ཁྱེར་དབང་ཡིག་རེ་གནང་རྒྱུ་ཡིན།
གསུམ་པ། ཚན་ཞུགས་ སྨྱན་མང་ཁྲིད་ཆས་ཀྱི་རྣམ་པ།
(༡)FLAShའགུལ་རིས།
(༢)powerpoint སྒྲོན་བསྙན་པར་ཤེལ།
(༣) Authorware
(༤)དྲ་ངོས་དང་དབྱིབས་རྩིས་བྲི་པང་བཅས་ཁྲིད་ཆས་གཞན་དག་གིས་བཟོས་པའི་སྨྱན་མང་ཁྲིད་ཆས།
བཞི་བ། འགྲན་ཞུགས་སྨྱན་མང་ཁྲིད་ཆས་ཀྱི་གསལ་བཤད།
(༡) ཚན་ཞུགས་ཁྲིད་ཆསwindowsབརྒྱུད་ཁོངས་སུ་བེད་སྤྱོད་ཐུབ་དགོས།
(༢)སྤྲད་པའི་ཁྲིད་ཆས་སྟབས་བདེ་ངང་བཀོལ་ཐུབ་པ་དང་སྦྲགས་དུག་འགོས་སོགས་ཀྱིས་བརྒྱུད་ཁོངས་ལ་གནོད་འཚེ་མི་ཐེབས་པར་འགན་ལེན་དགོས།
(༣) བྱ་འགུལ་གྱི་གཙོ་སྒྲུབ་འགན་ཁུར་བས་འགྲན་ཞུགས་སྨྱན་མང་ཁྲིད་ཆས་ཀྱི་པར་དབང་ལ་སྲུང་སྐྱོང་བྱེད་དགོས་ལ། འགྲན་ཞུགས་བྱ་བའི་ཁྲིད་ཆས་ངེས་པར་དུ་ཚན་ཞུགས་པ་རང་གིས་བཀོད་བསྒྲིགས་དང་བཟོས་པ་ཡིན་དགོས། ལྐོག་ཏུ་བཤུ་འབྲི་བགྱིས་པ་སོགས་འགྲན་སྡུར་ལ་འཇུག་མི་རུང་།
(༤)ཐེངས་འདིའི་དཔྱད་འདེམས་ནང་གློག་རྡུལ་དཀར་པང་མཉམ་སྤྱད་སློབ་ཁྲིད་ཀྱི་སྨྱན་མང་ཁྲིད་ཆས་ལ་དམིགས་དགོས།
(༥)སློབ་གྲྭ་སོ་སོའི་འགྲན་ཞུགས་སྨྱན་མང་ཁྲིད་ཆས་ལ་འགྲན་ཞུགས་པའམ་སློབ་གྲྭ་གཅིག་གྱུར་གྱིས་ཀྲུང་གོའི་བོད་ཀྱི་སློབ་འབྲིང་དྲ་བར་བརྒྱུད་དེ་འབུལ་སྤྲོད་བྱ་དགོས་ལ། འགྲན་ཞུགས་སྨྱན་མང་ཁྲིད་ཆས་ངེས་པར་དུ་rarདང་ཡང་ན་zipཐུམ་རྒྱག་དགོས།
ལྔ་བ། འགྲན་ཞུགས་སྨྱན་མང་ཁྲིད་ཆས་ཀྱི་བླང་བྱ།
(༡)བརྗོད་དོན་གསལ་ལ་ཡར་ཐོན་རང་བཞིན་ལྡན་ཞིང་རོགས་ཁྲིད་རྒྱུ་ཆ་རྣམ་པ་མང་ལ་ཐུན་མིན་གྱི་ཁྱད་ཆོས་འཛོམས་དགོས།
(༢) དེང་རབས་སློབ་གསོའི་ལག་རྩལ་བེད་སྤྱད་ནས་སློབ་གསོར་རོགས་སྐྱོར་གྱི་ནུས་པ་ཐོན་ཅི་ཐུབ་བྱ་དགོས།
(༣) ཚན་རིག་རང་བཞིན་དང་། ལག་རྩལ་རང་བཞིན། གསར་གཏོད་རང་བཞིན། སྒྱུ་རྩལ་རང་བཞིན་བཅས་འབུར་དུ་ཐོན་དགོས།
དྲུག་པ། སྨྱན་མང་ཁྲིད་ཆས་སྤྲོད་ཚུལ།
ཐུམ་རྒྱག་བྱས་པ50M（rarདངzip）ལས་ཆུང་བའམ་རྒྱུ་ཆ་གཞན་དག་མེད་པ་རྣམས་དྲ་ཚིགས་ཐོག་ནས་ཐད་ཀར་སྤྲད་ཆོག ཐུམ་རྒྱག་རྗེས50M（rarདངzip）ལས་ཆེ་བའམ་རྒྱུ་ཆ་གཞན་དག་མང་བོ་ཡོད་པ་རྣམས་དྲ་ཐོག་ནས་རེའུ་མིག་ཕབ་བླངས་ཏེ་འབྲེལ་ཡོད་ནང་དོན་ཁ་བསྐངས་ནས་ཡིག་སྒམ་tibetanms@163.comནང་དུ་བསྐུར་ཆོག
བདུན་པ། འགྲན་ཞུགས་སྨྱན་མང་ཁྲིད་ཆས་བསྡུ་བའི་དུས་ཡུན།
༢༠༡༥ལོའི་ཟླ༨ཚེས༡ཉིན་ནས་ཟླ༡༢ཚེས༣༡ཉིན་བར། དཔྱད་འདེམས་གནང་བའི་དུས་ཚོད་ཞིབ་ཕྲ་ཟུར་དུ་བརྡ་གཏོང་རྒྱུ་ཡིན།
བརྒྱད་པ། སྨྱན་མང་ཁྲིད་ཆས་འབུལ་སྤྲོད་བྱེད་པའི་གསལ་བཤད།
འགྲན་ཞུགས་པའི་དགེ་རྒན་རྣམས་ཀྱིས་སྨྱན་མང་ཁྲིད་ཆས་འབུལ་སྤྲོད་དྲ་ངོས་སུ་http://www.tibetanms.cn/e/DoInfo/AddInfo.php?mid=15&enews=MAddInfo&classid=387&Submit=%E0%BD%81%E0%BC%8B%E0%BD%A6%E0%BE%A3%E0%BD%BC%E0%BD%93%E0%BC%8D/ནང་འཇུག་བྱས་ནས་རིམ་པ་ལྟར་ངེས་པར་དུ་འབྲི་དགོས་བའི་དོན་ཚན་རེའུ་མིག་དང་རེའུ་མིག་འདེམས་སྒྲུག་ཅན་ཁ་སྐོང་བྱ་དགོས། དེ་ལྟར་མིན་ན་སྨྱན་མང་ཁྲིད་ཆས་འབུལ་སྤྲོད་བྱེད་མི་ཐུབ།
དགུ་བ། གཞན་དག་གི་སྐོར།
སྨྱན་མང་ཁྲིད་ཆས་དཔྱད་འདེམས་དྲ་བ། http://www.tibetanms.cn/s/wsqdsj/
སྨྱན་མང་ཁྲིད་ཆས་འབུལ་སྤྲོད་དྲ་གནས། http://www.tibetanms.cn/e/DoInfo/AddInfo.php?mid=15&enews=MAddInfo&classid=387&Submit=%E0%BD%81%E0%BC%8B%E0%BD%A6%E0%BE%A3%E0%BD%BC%E0%BD%93%E0%BC%8D/
འབྲེལ་ཡོད་བརྡ་ཐོ་དང་ཡིག་ཆ་ཕབ་ལེན་བྱེད་ས།
http://www.tibetanms.cn/news/bswj/བརྡ་ཐོ་དང་ཡིག་ཆ་ཚང་མ་དྲ་ཐོག་ཏུ་ཕབ་ལེན་བྱ་ཆོག་ལ། དཔྱད་འདེམས་བྱས་པའི་འབྲེལ་ཡོད་ཆ་འཕྲིན་དང་གསར་འགྱུར། པར་རིས་བཅས་ཐམས་ཅད་ཀྱང་དྲ་ཐོག་ཏུ་སྤྱི་བསྒྲགས་བྱ་བ་ཡིན།
བཅུ་བ། འབྲེལ་གཏུགས་བྱ་ཡུལ།
ལྗོངས་ཞིང་ལྔའི་བོད་ཀྱི་སློབ་གསོའི་མཉམ་ལས་འགོ་ཁྲིད་ཚོགས་ཆུང་གཞུང་སྒྲུབ་ཁང་(五省区藏族教育协作领导小组办公室)
芦宁 0971------6310542 15110997880
ཀྲུང་གོ་བོད་གྱི་སློབ་འབྲིང་དྲ་བ། (中国藏族中学网)
ཚོགས་དཔལ་སྐྱབས། ཁ་པར། 13893581223
བློ་བཟང་དབང་ལྡན། ཁ་པར། 13629353949
ཡིག་ཟམ། tibetanms@163.com qq:751051923 1151064201
སི་ཁྲོན་ཞིང་ཆེན་རྔ་བ་ཁུལ་རྔ་བ་རྫོང་སྐད་གཉིས་བཅའ་སྡོད་ཆ་ཚང་སློབ་འབྲིང་། (四川省阿坝州阿坝县双语寄宿制完全中学)
云巴 15387676891 18283730233
