《བོ་དོང་པཎ་ཆེན་གྱི་གསུང་འབུམ》དཔེ་བསྐྲུན་གྱི་བགྲོ་གླེང་ཚོགས་འདུ་པེ་ཅིང་དུ་བསྡུས།
ཟླ4བའི་ཚེས17ཉིན། རྒྱལ་ཁབ་མི་རིགས་ལས་ཨུ་ཡོན་ལྷན་ཁང་གྲངས་ཉུང་མི་རིགས་གནའ་དཔེའི“ལྔའི་འཆར་འགོད་བཅུ་གཉིས”ཀྱི་གལ་ཆེའི་དཔེ་བསྐྲུན་ལས་གཞི་རྣམ་གྲངས《བོད་ཀྱི་གནའ་དཔེ་དེབ་ཕྲེང》ལས《བོ་དོང་པཎ་ཆེན་གྱི་གསུང་འབུམ》དཔེ་བསྐྲུན་གྱི་བགྲོ་གླེང་ཚོགས་འདུ་པེ་ཅིང་དུ་བསྡུས་ཤིང་། བོད་རིག་པའི་ཁྱབ་ཁོངས་དང་མི་རིགས་ཆོས་ལུགས་ཞིབ་འཇུག་ཁྱབ་ཁོངས་ཀྱི་ཆེད་མཁས་པ་དང་ཤེས་ཡོན་པ་རྣམས་ཀྱིས་དཔེ་དེབ་འདི་དཔེ་བསྐྲུན་གྱི་དོན་སྙིང་ཐད་ནས་ལྟ་ཚུལ་བཏོན་པ་དང་སྤྱི་བསྡོམས་བྱས།
རྒྱུས་ལོན་པ་ལྟར་ན། ཐེངས་འདིའི་དཔེ་བསྐྲུན་གྱི་པོད95《བོ་དོང་པཎ་ཆེན་གྱི་གསུང་འབུམ》ནི་དུས་རབས་འདིའི་དུས་དཀྱིལ་དུ་རྒྱལ་ཁབ་གཞན་དུ་ཤོར་བའི་ལག་བྲིས་མ140ལྷག་ལས་དཔེ་སྐྲུན་དཀོན་པོ་མ་དཔེ་བྱས་ཏེ་རྩོམ་སྒྲིག་དང་ལེགས་སྒྲིག་བྱས་པ་ཞིག་ཡིན། འདིར་བསྡོམས་པས་ཡིག་འབྲུ་ཁྲི4000ལྷག་ཡོད་ཅིང་། ནང་དོན་ལ་ནང་ཆོས་གཙོར་བཟུང་སྟེ་གཞན་ཡང་འདུས་ལ། བོད་ཀྱི་སྲོལ་རྒྱུན་རིག་གནས་བཅུ་ཁེབས་པ་དང་། འདི་ནི་བོད་ཀྱི་སྲོལ་རྒྱུན་རིག་གནས་དང་བོད་བརྒྱུད་ནང་བསྟན་གྱི་ཤེས་བྱ་ཀུན་བཏུས་ཆེན་མོ་རྣམ་པའི་དཔེ་དེབ་ཅིག་ཡིན།
