ཁྲིམས་ལུགས་ཤེས་བྱའི་དཔེ་ཚོགས་འགྲེམ་སྤེལ་གྱི་ཚོགས་འདུ་བསྡུས་པ།
ཁྲིམས་ལུགས་ཤེས་བྱའི་དཔེ་ཚོགས་འགྲེམ་སྤེལ་གྱི་ཚོགས་འདུ་བསྡུས་པ།
ཉེ་ཆར། མཚོ་སྔོན་བོད་ཡིག་ཁྲིམས་ལུགས་ཚགས་པར་ཁང་གི་སྐུ་ཞབས་རམས་ཚེ་བྷོས་གཙོ་སྒྲུབ་དང་། མཚོ་སྔོན་བོད་རིགས་ཞིབ་འཇུག་ཚོགས་པས་མཐུན་རྐྱེན་དང་རྒྱབ་སྐྱོར་འོག ཁྲིམས་ལུགས་ཤེས་བྱའི་དཔེ་ཚོགས་པར་སྐྲུན་འགྲེམ་སྤེལ་གྱི་བཞུགས་མོལ་ཚོགས་འདུ་དེ་ཟི་ལིང་དུ་བསྡུས་ཤིང་། མཚོ་སྔོན་ཞིང་ཆེན་བོད་རིགས་ཞིབ་འཇུག་ཚོགས་པའི་འགོ་གཙོ་སྔ་གཞུག་གཉིས་ཀ་དང་། མཚོ་སྔོན་བོད་ཡིག་ཁྲིམས་ལུགས་ཚགས་པར་ཁང་གི་ལས་སྒྲུབ་པ་ཡོངས། མཚོ་སྔོན་མི་རིགས་དཔེ་སྐྲུན་ཁང་བོད་ཡིག་གཞུང་སྒྲུབ་ཁང་གི་འབྲེལ་ཡོད་འགོ་ཁྲིད་དང་ལས་བཟོ་བ། དཔེ་དེབ་བསྒྱུར་བའི་ལོ་ཙཱ་བ་རྣམས་ཐེངས་འདིའི་ཚོགས་འདུར་ཞུགས།
བཅའ་ཁྲིམས་ཤེས་བྱའི་དཔེ་ཚོགས་འདི་ནི2013ལོར་དངོས་སུ་སྒྲུབ་མགོ་བརྩམས་པ་དང་། ཁྱོན་བསྡོམས་དཔེ་ཆ་སྣ་ཁ10ཡོད་དེ། 《རྩ་ཁྲིམས་རྒྱུན་མཁོ་རིག་པའི་ཉིང་བཅུད》དང་། 《རང་སྐྱོང་བཅའ་ཁྲིམས་གསེར་གྱི་ཐིགས་པ》། 《ཉེས་ཁྲིམས་ཤེས་བྱ་འོད་ཀྱི་ཟེགས་མ》། 《དམངས་ཁྲིམས་ཁེ་དབང་སྲུང་བའི་གོ་ཆ》། 《གཉེན་སྒྲིག་བཅའ་ཁྲིམས་འོ་མའི་མར་ལོ》།《བདེ་འཇགས་དོ་དམ་ཕན་བདེ་བདུད་རྩི》། 《ཁོར་ཡུག་སྲུང་སྐྱོང་ཁྲིམས་ཀྱི་རང་སྒྲ》། 《འགན་སྲུང་བཅའ་ཁྲིམས་སྐྱབས་ཀྱི་འདུན་མ》། 《ན་ཆུང་ཁྲིམས་ལུགས་རིག་པའི་དགའ་ཚལ》། 《ཞིང་འབྲོག་ཁེ་དབང་སྲུང་བའི་ལམ་སྟོན》བཅས་ཡིན། བཅའ་ཁྲིམས་གཙོ་བོ10དང་འབྲེལ་ཡོད་ཁྲིམས་ལུགས20ལྷག་དཔེ་ཚོགས་འདིར་བསྡུས་ཡོད།
