རྒྱལ་ཡོངས་སྲིད་གྲོས་སྐབས༡༣པའི་གྲོས་ཚོགས་ཐེངས༥པ་རྒྱལ་ཁའི་ངང་གྲོལ།

        རྒྱལ་ཡོངས་ཆབ་སྲིད་གྲོས་མོལ་སྐབས་བཅུ་གསུམ་པའི་གྲོས་ཚོགས་ཐེངས་ལྔ་པ་མཇུག་སྒྲིལ་པའི་གྲོས་ཚོགས་སྟེང་སྲིད་གྲོས་སྐབས་བཅུ་གསུམ་པའི་རྒྱལ་ཡོངས་ཨུ་ལྷན་གྲོས་ཚོགས་ཐེངས་ལྔ་པས་རྒྱུན་ལས་ཨུ་ཡོན་ལྷན་ཚོགས་ཀྱི་བྱ་བའི་སྙན་ཞུའི་གྲོས་ཆོད་དང་སྲིད་གྲོས་སྐབས་བཅུ་གསུམ་པའི་རྒྱལ་ཡོངས་ཨུ་ལྷན་གྲོས་ཚོགས་ཐེངས་ལྔ་པའི་གྲོས་ཚོགས་ཀྱི་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་བཞི་པའི་སྐབས་བཏོན་པའི་གྲོས་གཞིའི་བྱ་བའི་གནས་ཚུལ་གྱི་སྙན་ཞུའི་གྲོས་ཆོད། སྲིད་གྲོས་སྐབས་བཅུ་གསུམ་པའི་རྒྱལ་ཡོངས་ཨུ་ལྷན་གྲོས་ཚོགས་གྲོས་གཞི་ཨུ་ཡོན་ལྷན་ཚོགས་ཀྱིས་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་ལྔ་པའི་གྲོས་གཞི་ལ་ཞིབ་བཤེར་བྱས་པའི་གནས་ཚུལ་གྱི་སྙན་ཞུ། སྲིད་གྲོས་སྐབས་བཅུ་གསུམ་པའི་རྒྱལ་ཡོངས་ཨུ་ལྷན་གྲོས་ཚོགས་ཐེངས་ལྔ་པའི་ཆབ་སྲིད་གྲོས་ཆོད་བཅས་ལ་གྲོས་མཐུན་བྱུང་།

        རྒྱལ་ཡོངས་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་ལྔ་པའི་སྟེང་ཁྱོན་བསྡོམས་གྲོས་གཞི5979འབྱོར་ཡོད། ཞིབ་བཤེར་བྱས་པ་བརྒྱུད་གྲོས་གཞི4979ཐོ་འགོད་བྱས་ཤིང་། མཉམ་སྒྲུབ་གྲོས་གཞི35ཡོད། བསམ་འཆར་དང་བླང་བྱའི་སྐོར་གྱི་གྲོས་གཞི965ཡོད། ཐོ་འགོད་གྲོས་གཞིའི་ཁྲོད། དཔལ་འབྱོར་འཛུགས་སྐྲུན་ཐད་ཀྱི་གྲོས་གཞི1911དང་དེས38.4%ཟིན་ཡོད། ཆབ་སྲིད་འཛུགས་སྐྲུན་ཐད་ཀྱི་གྲོས་གཞི499དང་དེས10.0%ཟིན་ཡོད། རིག་གནས་འཛུགས་སྐྲུན་ཐད་ཀྱི་གྲོས་གཞི389དང་དེས7.8%ཟིན་ཡོད། སྤྱི་ཚོགས་འཛུགས་སྐྲུན་ཐད་ཀྱི་གྲོས་གཞི1543དང་དེས31.0%ཟིན་ཡོད། སྐྱེ་ཁམས་དཔལ་ཡོན་འཛུགས་སྐྲུན་ཐད་ཀྱི་གྲོས་གཞི613དང་དེས12.3%ཟིན་ཡོད། དེ་ལས་གཞན་པའི་གྲོས་གཞི24ཡོད་ལ། དེས0.5%ཟིན་ཡོད།