ཟླ5པའི་ཚེས25ཉིན། སྡེ་རོང་རྫོང་སློབ་འབྲིང་གིས་བོད་སྐད་ཡིག་གི་སྣ་མང་ཤེས་བྱའི་སྐོར་ནས་འགྲན་བསྡུར་བྱེད་པའི་བྱེད་སྒོ་ཞིག་སྤེལ་བ་རེད།
( འགྲན་རྭའི་ཡུལ་དངོས )
སྣ་མང་ཤེས་བྱའི་འགྲན་ཚོགས་སུ་སློབ་ཆུང་ཤེས་བྱའི་སྐོར་དང་སློབ་འབྲིང་ཤེས་བྱའི་སྐོར། ས་གནས་ཤེས་བྱའི་སྐོར་དང་དམངས་ཁྲོད་ཤེས་བྱའི་སྐོར། སློབ་གསེང་ཀློབ་དེབ་ཤེས་བྱའི་སྐོར་བཅས་ཁྱོན་བསྡོམས་ཁ་བྱང་བརྒྱ་ལྷག་ཡོད་པ་དང་། སློབ་མ་རྣམས་ཚོགས་ཆུང་ཁག་བརྒྱད་དུ་དབྱེ་ནས་ཚོགས་ཆུང་ཡོངས་ལ་ངེས་ལེན་ཁ་བྱང་བརྒྱ་བཅུ་དང་འཕྲོག་ལེན་ཁ་བྱང་ཉི་ཤུ་བཅས་ཁྱོན་བརྒྱ་བཀོད་སྒྲིག་ཡོད།
![4X~VZVNCMNF$O0]~XH]W`)P.png](/d/file/2018-05-26/f77ff3aef5f566fc1e85bc7ef01dfe1c.png)
( འགྲན་རྭའི་ཡུལ་དངོས )
ཐེངས་འདིའི་ཤེས་བྱ་འགྲན་ཚོགས་ཀྱི་དམིགས་ཡུལ་གཙོ་བོ་ནི་སློབ་མ་རྣམས་ཀྱིས་སྣ་མང་ཤེས་བྱ་ལ་རྒྱུས་ལོན་བྱེད་པ་དང་ས་གནས་ཤེས་བྱ་དང་དམངས་ཁྲོད་ཤེས་བྱ་ལ་དོ་སྣང་བྱེད་པ། སློབ་མའི་སྤོབས་པ་དང་སྙིང་སྟོབས་ཇེ་མཐོར་བཏང་བ་བཅས་ལ་དམིགས་ཏེ་སློབ་མའི་ལུས་སེམས་གཉིས་ཀྱི་ཕྱོགས་ནས་ཡར་ཐོན་ཡོང་བར་ནུས་པ་ཆེན་པོ་ཐོན་པ་རེད།
( འགྲན་ཚོགས་ཀྱི་ཡུལ་དངོས )
ཚོགས་ཐོག་ཏུ་དགེ་རྒན་ཡེ་ཤེས་རྡོ་རྗེས་བོད་ཡིག་སློབ་དཔྱོད་ཁང་གི་ཚབ་བྱས་ནས་བོད་སྐད་ཡིག་གི་གལ་ཆེན་རང་བཞིན་དང་དུས་རྒྱུན་འཚོ་བའི་ཁྲོད་དུ་ཕ་སྐད་མ་ཡིག་བེད་སྤྱོད་གཏོང་དགོས་པའི་ཐད་ནས་བཀའ་སློབ་གལ་ཆེན་གནང་བ་རེད།
( སློབ་རའི་འགོ་ཁྲིད་དང་བོད་ཡིག་སློབ་དཔྱོད་ཁང་མི་སྣ་ཡོངས་ཀྱི་འདྲ་པར། )
འདི་ནི་སློབ་གསོ་འཕེལ་རྒྱས་ཀྱི་ཐེམ་སྐས་གསར་བ་ཞིག་ཏུ་སླེབས་པའི་རྟགས་མཚན་ཡིན་པའང་གསལ་བོར་ངེས་ཤིང་འབྱུང་འགྱུར་ལ་ཡིད་ཆེས་བརྟན་པའི་སེམས་ཤུགས་ཀྱང་སྔར་ལས་བརྟན། ཐེངས་འདིའི་འགྲན་སྡུར་རྒྱལ་ཁ་དང་གྲུབ་འབྲས། ཡིད་ཆེས་ཀྱི་ཀློང་ནས་སྐབས་གསུམ་པའི་སྡེ་རོང་རྫོང་སློབ་འབྲིང་གི་སྣ་མང་ཤེས་བྱ་འགྲན་བསྡུར་བདེ་བླག་ངང་མཇུག་རྫོགས།
