ཟླ་བཅུ་པའི་ཚེས་༡༠ཉིན། ངེད་ལས་སྒྲུབ་ཁང་གི་དགེ་རྒན་བཅུ་ལྷག་ལྷན་དུ་བསྡུས་ནས། དཀར་མཛེས་ཁུལ་གྱི་ཏང་བཙུགས་ནས་ལོ་འཁོར་བརྒྱ་ལོན་པའི་དམའ་འབྲིང་སློབ་མའི་སྐད་ཡིག་རྩོམ་ཡིག་འགྲན་བསྡུར་གྱི་ཐོག་མའི་དཔྱད་འདེམས་ཀྱི་མགོ་བརྩམས། ཐེངས་འདིར་ཁྱོན་རྫོང་ཁག་བཅོ་ལྔ་ལྷག་ནས་བདམས་ཐོན་བྱུང་བའི་རྩོམ་ཡིག་༢༡༡འབྱོར་ཞིང་། རྩོམ་ཡིག་འགྲན་བསྡུར་ལ་དྲང་བདེན་ཡོང་ཕྱིར། རྩོམ་པ་པོའི་མིང་དང་སློབ་གྲྭ་སོགས་གང་ཡང་མེད་པར་བྱས་ནས་དགེ་རྒན་དག་གིས་ལྟ་ཞིབ་ནན་མོ་བྱས་ལ། ཡུལ་དངོས་ཀྱི་རྣམ་པ། འགྲན་རྩོམ་ཁྲོད་ཀྱི་གཏན་ཁེལ་བརྗོད་བྱ་ལས་བརྒལ་བ། རྩོམ་ལུས་འགལ་བ། དེ་མིན་བརྗོད་བྱ་དང་རྗོད་བྱེད་གང་ཅིའི་ཐད་སྙིགས་དོར་བཅུད་ལེན་དང་། དྲང་པོ་དྲང་གཞག་བཅས་ཀྱི་རྩ་བའི་ཆ་རྐྱེན་གཞིར་བཟུང་ནས་ལེགས་རྩོམ་༧༢་འདིའི་མཇུག་གི་རྟིང་རྩོད་འགྲན་བསྡུར་དུ་ཚུད། མཇུག་མཐའི་རྟིང་རྩོད་དུ་ཚུད་པའི་རྩོམ་དག་ཆེད་མཁས་གདན་འདྲེན་བྱས་ནས་ཨང་རིམ་དགར་རྒྱུ་ལས། ལས་སྒྲུབ་ཁང་གིས་དགེ་རྒན་དག་དཔྱད་འདེམས་པར་ཞུགས་རྩིས་མེད།
དཀར་མཛེས་ཁུལ་གྱི་སློབ་འབྲིང་སློབ་མའི་རྩོམ་ཡིག་འགྲན་བསྡུར་གྱི་ཐོག་མའི་དཔྱད་འདེམས།
ཡོང་ཁུངས། : ལྕགས་ཐར་རྒྱལ་ལས་སྒྲུབ་ཁང་གི་གསར་འགྱུར། སྤེལ་དུས། : 2021-10-14 19:13:30
རྩོམ་སྒྲིག་པ། : lalong1985
