༄། ཚོགས་མི་ནང་འཇུག | ཚོགས་མི་ཐོ་འགོད། | ༄།རྩོམ་ཡིག་བསྐུར་བ |

ཁམས་པའི་སློབ་ཁྲིད་ཐོན་ཁུངས་དྲ་བ །

གཙོ་ངོས།

གསར་འགྱུར།

བོད་ཀྱི་སློབ་གྲྭ

བོད་ཀྱི་རིག་གནས།

རྩོམ་རིག་གླིང་ཀ

བརྙན་གཟུགས།

རྒྱུགས་གཞི

ཁྲིད་ཆས།

ཁྲིད་ཟིན།

བསྐྱར་སྦྱོང་།

པར་མཛོད།

འཕྲུལ་དེབ།

ཐར་བས་སྙན་ངག་ཞར་བཀོད་གསུམ།

ཡོང་ཁུངས། : ཁམས་པའི་སློབ་ཁྲིད་ཐོན་ཁུངས་དྲ་བ། རྩོམ་པ་པོ། : ཐར་བ། དཀར་མཛེས། ཀློག་གྲངས །: སྤེལ་དུས། : 2019-10-15

ཡིག་གཟུགས། :ཆུང་། འབྲིང་། ཆེ།

གོ་རིམ་མེད་པར།

ཐར་བ། དཀར་མཛེས།

ལོ་འདིའི་སྟོན་ཁར།

སིབ་སིབ་ཏུ་བབས་པའི་ཁ་བ་འདི།

ཙག་རླུང་དང་བསྲེས་ནས།

གོ་རིམ་མེད་པར།

ཡང་ཡང་འབབས་དོན་ཅི།

གྲང་འཁྱག་འདིའི་ལུས་ཕུང་བསྡམས་ཤིང་སྨིན་མ་སྒུལ།

ཡིད་ལ་སིམ་པའི་བརྩེ་བའི་ཐིགས་པ་དེ།

བཙན་རྫོང་དུ་ཤོར་རྗེས།

སྙེ་བ་ཕོན་གཅིག་ལ་སེར་ཐིག་ལྷུག་འདུག

འདི་ལྟར་གོ་རིམ་མེད་པར་ཡང་ཡང་མ་འབབས་རོགས།

༢༠༡༩ ༡༠ ༥

འདང་དེའི་གོད་ཆགས།

ཉི་འོད་སྔར་བཞིན་སྒེའུ་འགྲམ་དུ་འཕྲོས་ནའང་།

སྐྱེ་འཆིའི་ཟམ་ཁ་ནས་སྐུད་པ་མཐུད་ཐབས་མ་བྱུང་།

འདང་དེའི་གོད་ཆགས་ལ་བསམ་གཞིག་བཏང་ན།

བས་མཐའི་སྒེའུ་ཁུང་ནང་ནས་ཁྱོད་ཀྱི་རྡོག་རྗེས་མཐོང་བྱུང་།

ཕྱིར་འོང་མེེད་པའི་དམ་ཚིག་མཐའ་དག

སྣང་བར་བརྒྱུས་ནའང་།

སྙིང་གི་འཕར་སྒྲའི་ངོས་སུ།

མངོན་རྗེན་རྗེན་དུ་ཁྱོད་ཀྱི་ཞལ་རས་ཤར་འདུག

༢༠༡༩ ༡༠ ༥

དྲན་གདུང་།

སྙིང་ཆུང་འདི་ཤིན་ཏུ་ཆུང་ནའང་།

དགུན་ཁ་འདིར་ཁྱོད་ཀྱི་ནང་སེམས།

འཁྱག་གྲང་ཏུ་ལྷུང་ན།

ང་ཡི་བྲང་ཁར་སྦྱར་ཏེ་བསྲོ་བར་བྱ་ཆོག

གྱེས་ཁ་མའི་རྒྱབ་གཟུགས་ཀྱི་ནང་དུ།

ངང་སྒུག་གི་ལོ་ཟླ་སྦས་ཡོད།

ཁྱོད་ཀྱི་ཆེད་དུ་སྲང་ལམ་འདི་ནས།

སློང་མོ་བའི་ལུས་བླངས་ཀྱང་རུང་འགྱོད་སྣང་ཡེ་ནས་མེད།

༢༠༡༩ ༡༠ ༥

དེ་ནས་བཟུང་།

ཆར་ཞོད་ཆེ་བའི་མཚན་མོ་དེར།

རྒྱུས་ཆ་མངའ་བའི་བུ་མོ་དེར་ངོ་འཕྲད་ནས།

དེ་ནས་བཟུང་དུས་གཏན་དུ་ངོ་མི་ཤེས་པར་གྱུར།

འདི་ནི་མི་རྐྱང་གི་གླུ་དབྱངས་ལེན་ཚུལ་ལོ།

ཁོ་མོ་གཏིང་བརྗེད་དུ་གྱུར་བའི་གྱེས་ཆང་དེ་ཡིན།

༢༠༡༩ ༡༠ ༥ ལ་ཁྲིན་ཏུའུ་རུ་གྲུབ།

རྩོམ་སྒྲིག་པ། : lalong1985

མཉམ་སྤྱོད །

评论

人参与,条评论