༄། ཚོགས་མི་ནང་འཇུག | ཚོགས་མི་ཐོ་འགོད། | ༄།རྩོམ་ཡིག་བསྐུར་བ |

ཁམས་པའི་སློབ་ཁྲིད་ཐོན་ཁུངས་དྲ་བ །

གཙོ་ངོས།

གསར་འགྱུར།

བོད་ཀྱི་སློབ་གྲྭ

བོད་ཀྱི་རིག་གནས།

རྩོམ་རིག་གླིང་ཀ

བརྙན་གཟུགས།

རྒྱུགས་གཞི

ཁྲིད་ཆས།

ཁྲིད་ཟིན།

བསྐྱར་སྦྱོང་།

པར་མཛོད།

འཕྲུལ་དེབ།

མགྱོགས་བྲིས།

ཡོང་ཁུངས། : ཀྲུང་གོ་བོད་ཀྱི་དྲ་བ། རྩོམ་པ་པོ། : སྟོང་སྐོར་ཀུན་རིག་མཚོ། ཀློག་གྲངས །: སྤེལ་དུས། : 2019-11-04

ཡིག་གཟུགས། :ཆུང་། འབྲིང་། ཆེ།

མགྱོགས་བྲིས།

——སྟོང་སྐོར་ཀུན་རིག་མཚོ།

དམར་སེར་ལི་ཁྲིའི་མདངས་འཛིན་འཆར་ཀའི་བུ།།

ཉི་གཞོན་སྤྲིན་བྲལ་ནམ་མཁའི་དབྱིངས་སུ་ཤར།།

སེམས་ཀྱི་པད་མོ་དྲི་བཟང་འདབ་ལྡན་མའི།།

སྟོང་ལྡན་གེ་སར་མཛའ་བོའི་ཟེར་མར་འཁྲིལ།།

དུས་ཀྱི་རླུང་བུའི་སད་སེར་མདའ་མོ་དེ།།

དྲི་ལྡན་མེ་ཏོག་དང་གར་ཕོགས་ནས་སུ།།

ཡལ་ཀ་ཕྱོགས་སུ་བྲལ་བའི་སྐྱོ་ངལ་འདིར།།

ཉི་རྡུལ་ཕྲ་མོས་མ་བཟོད་དངན་པ་འབྱིན།།

དྲན་པའི་བྲག་འཕྲེང་བརྒལ་བའི་ངག་གི་ཁུགས།།

སྐྱིད་གཞུང་ཆུ་མོར་བསྐུར་བའི་མཛའ་བོའི་འཕྲིན།།

ཤག་ཤག་རླབས་སྒྲས་དུང་བ་རྒྱང་དུ་ཁྱེར།།

ཟིལ་བའི་ཀློང་གིས་སྐྱོ་གཞས་གདངས་ལ་བཀྲན།།

སྣང་བ་ཡན་གར་སེམས་པའི་གཏིང་དུ་སིམ།།

རྨི་ལམ་མེ་ཏོག་མཁུར་ཚོས་ངོས་སུ་བཞད།།

བརྩེ་བའི་སྟོན་ལོ་འཁྱགས་པའི་སྒྲོམ་དུ་བཅུག།

སྟོན་གྱི་ངུད་མོས་ངག་གི་མེ་ཏོག་བཅོམ།།

ཚིག་གི་མར་མེ་རླུང་བུ་འཁྱམས་པོས་གཟིམ།།

འབྲུ་ཡི་སྡོང་རྐང་སད་དང་སེར་བར་བཅོམ།།

བློས་བསླངས་མར་ཁུའི་མཚོ་མོ་འདྲེན་པར་བྲེལ།།

དོན་གྱི་གསེར་སྐོང་སེར་བོ་སྟོང་ལ་ཉེ།།

ལ་མོའི་དབུ་རྩེར་ཁ་བས་རྒྱས་བཏབ་པས།།

རླུང་སྐྱེད་དར་ལྕོག་བུ་ཡུག་ཁྲོད་དུ་ལུས།།

དགུན་གྱི་དྲགས་ཤུགས་དཔུང་སྡེ་སླེབས་ཙ་ན།།

སྣོད་བཅུད་དབུགས་དབྱུང་ཙམ་གྱི་རང་དབང་དབེན།།

༢༠༡༨།༡༠།༢༣ ལྷ་སར།

རྩོམ་སྒྲིག་པ། ཚེ་མཁར་རྒྱལ།

རྩོམ་སྒྲིག་པ། : lalong1985

མཉམ་སྤྱོད །

评论

人参与,条评论