ཕ་ས་ལགས ད་དུང་ང་ཚོ་ཡོད
ཁྲག་སྨྱུག(ཡུལ་ཤུལ།)
ནོར་ནག་དང་ལུ་གུ་ཡོད་སའི་རྩྭ་ཐང་སྟེང་ལ
ངོ་གདོང་དཀར་དམར་གཉིས་མིག་ཆུའི་ཁྲོད་དུ་ལྷུང
གནམ་སྔོན་པོ་དང་ས་གཞི་ཡངས་པོ
སེམས་ཅན་ཡོད་ཚད་ཨ་མ་ལ་བསྒོམས་ནས
རྫི་གླུ་སྙན་མོ་བཞིན་ངག་ལ་གྱེར་དུས
ངའི་ཕ་ཡུལ་ལ་ཁྱི་སྤྱང་གི་སྦར་མོ་བཞིན
འབྲོང་རྒོད་ཀྱི་རྭ་ཁ་བཞིན
སྙིང་རྗེ་མེད་པའི་གཤིན་རྗེའི་ཕོ་ཉ་བཞིན
ས་སྟེང་གི་སེམས་ཅན་མང་པོའདི་ལྟར་ས་འོག་ལ་ནུབ
ཨ་མའི་བརྩེ་སེམས་ལ་དྲིན་གཟོ་མ་ཐུབ
ཨ་ཕའི་སྙིང་སྟོབས་ལ་དཔུང་རོགས་མ་ཐུབ
གྲངས་མེད་ཀྱི་སེམས་ཅན་མང་པོ
འདི་ལྟར་ཕེབས་དགོས་བྱུང
མ་གཞི་ཤ་ཚ་བའི་ཚིག་ལ་སྙན་པོ་མེད་ཟེར
སྙིང་རྗེ་མེད་པའི་ས་འགུལ་གྱི་གོ་རིམ་ལ་བལྟས་དུས
ངའི་མིག་ཆུ་ལ་རང་དབང་མི་འདུག
ལོ་ཟླ་གང་མང་ལ
རྡོ་རིང་སྐྱ་བོ་ཞིག་འདི་ལྟར་གནས་ཡོད
ལོ་ཟླ་ནག་པོ་ཞིག་འདི་ལྟར་གྲུབ་ཡོད
ཕ་ས་ལགས ད་དུང་ང་ཚོ་ཡོད
