དོན་རིག་སྟོང་གདམས་ངག་བདུད་རྩི་ལ་རོལ་ཞིང་།།
སེམས་ཆོས་ཉིད་རྒྱལ་མོའི་ཉེ་འཁོར་དུ་བཅར་བའི།།
མགོན་རྡོ་གྲུབ་དཔའ་བོའི་རང་ཞལ་གྱི་མཐའ་རུ།།
གུས་བརྩེ་ཞིང་དུད་པས་ཡིད་དབང་འདི་དགའ་འོ།།
ཚིག་སྒྱུ་འཕྲུལ་ཕོ་བྲང་དགུ་བརྩེགས་སུ་འདུག་པར།།
གནད་མ་བཅོས་རིག་པའི་རང་གདངས་དེ་འདུས་སྐད།།
རྨོངས་མུན་ནག་འབྱམས་སུ་འཁྱམ་པ་ཡི་བདག་ཀྱང་།།
རྣ་ཀྲོག་གེར་གྱུར་ཏེ་གཟབ་ནན་གྱིས་ཉན་ཡོད།།
རྒྱུད་ཉོན་མོངས་འབར་བའི་མེ་ཕུང་གི་དབུས་སུ།།
སྨན་དམ་ཆོས་བསིལ་མ་ཆད་མེད་དུ་ཕབ་འདི།།
བློ་གཟུ་བོར་གནས་པའི་ཉམས་དབུས་སུ་འཛུམ་འོང་།།
ཡིད་སྤྲོ་བས་བསྔགས་བརྗོད་རང་བཞིན་གྱིས་གྱེར་རོ།།
ཆོས་འདིར་སྣང་དཔེ་ཡི་ཞལ་ཐང་དུ་ཤར་ཞིང་།།
གླིང་མུན་སེལ་རྗེས་འགྲོ་ཁྱེད་གསུང་གི་མགུར་མ།།
མགོན་རྒྱལ་བའི་ཐུགས་དང་ཡུན་འགྲོགས་ཀྱི་གདམས་པ།།
སྙན་བརྗིད་ཆགས་གསེབ་ནས་སེམས་དབུས་སུ་མཆེད་ཡོད།།
ལྷ་དཀྱིལ་འཁོར་ཤེས་རབ་གཅིག་འདྲེས་པའི་ངོ་བོ།།
མགོན་རྗེ་བཙུན་འཇམ་དཔལ་ཡི་དམ་གྱི་གཙོ་མཆོག།
གུས་དད་གདུང་ལམ་ནས་བསྔགས་བརྗོད་དག་མཇལ་བས།།
ཚིག་ངོ་མཚར་རིང་མོ་རྫ་ཆབ་ལྟར་བཞུར་འོང་།།
དུས་བསྐལ་མང་ཁྲོད་དུ་རྒྱལ་ཀུན་ལ་མཇལ་ཞིང་།།
གཏམ་ཡིད་དབུས་རི་མོ་འབུར་ཚུགས་སུ་བྲིས་པ།།
བདག་སེམས་ཀྱི་ལྗོན་པར་ཁ་བ་བཞིན་གླན་པས།།
སྡུག་སྨུག་པའི་ན་བུན་དྭངས་ཙམ་ལ་ཕྱོགས་སོང་།།
ཕྱི་སྣང་བ་རྫུན་གྱི་བརྙན་རིས་སུ་གཟིགས་ཏེ།།
ནང་དོན་ཟབ་ལྟ་བའི་རྒྱལ་ས་རུ་འབྱོར་ཞིང་།།
གདངས་མི་འཇགས་དོ་ཧའི་རང་མདངས་དེར་འཕྲད་པས།།
སྨྲ་མི་ཤེས་ཧད་དེ་ཡུན་ཙམ་རིང་དུ་ལུས་ཡོད།།
ཕྱི་འགྲོ་བའི་ཚོགས་ཀྱི་ཀུན་སྤྱོད་ལ་མཐུན་དང་།།
ནང་ཀུན་བཟང་དགོངས་པའི་དཔལ་མཆོག་དང་འགྲིགས་པ།།
རྗེ་ཁྱེད་རང་དུས་འདིར་མཇལ་ཙམ་གྱིས་སྣང་བས།།
ཡིད་དགའ་སྐྱིད་ཉི་མའི་འོད་སྣང་དང་བསྡེབས་པོ།།
མགུར་ཡིད་འཕྲོག་རྗེ་བཙུན་རས་པ་ཡི་ཟླ་བོ།།
གནད་ཀུན་འདུས་མན་ངག་བདུད་རྩི་དང་མཚུངས་ལ།།
ལུས་ནད་བརྒྱའི་གཟིར་བའི་བསྐལ་མང་གི་ཁྲོད་དུ།།
གསུང་ཨེན་ཙམ་མཐུ་ཡིས་ལམ་བཟང་ཞིག་རྙེད་སོང་།།
21/2/6/ནུབ་མོ།
སེམས་ཆོས་ཉིད་རྒྱལ་མོའི་ཉེ་འཁོར་དུ་བཅར་བའི།།
མགོན་རྡོ་གྲུབ་དཔའ་བོའི་རང་ཞལ་གྱི་མཐའ་རུ།།
གུས་བརྩེ་ཞིང་དུད་པས་ཡིད་དབང་འདི་དགའ་འོ།།
ཚིག་སྒྱུ་འཕྲུལ་ཕོ་བྲང་དགུ་བརྩེགས་སུ་འདུག་པར།།
གནད་མ་བཅོས་རིག་པའི་རང་གདངས་དེ་འདུས་སྐད།།
རྨོངས་མུན་ནག་འབྱམས་སུ་འཁྱམ་པ་ཡི་བདག་ཀྱང་།།
རྣ་ཀྲོག་གེར་གྱུར་ཏེ་གཟབ་ནན་གྱིས་ཉན་ཡོད།།
རྒྱུད་ཉོན་མོངས་འབར་བའི་མེ་ཕུང་གི་དབུས་སུ།།
སྨན་དམ་ཆོས་བསིལ་མ་ཆད་མེད་དུ་ཕབ་འདི།།
བློ་གཟུ་བོར་གནས་པའི་ཉམས་དབུས་སུ་འཛུམ་འོང་།།
ཡིད་སྤྲོ་བས་བསྔགས་བརྗོད་རང་བཞིན་གྱིས་གྱེར་རོ།།
ཆོས་འདིར་སྣང་དཔེ་ཡི་ཞལ་ཐང་དུ་ཤར་ཞིང་།།
གླིང་མུན་སེལ་རྗེས་འགྲོ་ཁྱེད་གསུང་གི་མགུར་མ།།
མགོན་རྒྱལ་བའི་ཐུགས་དང་ཡུན་འགྲོགས་ཀྱི་གདམས་པ།།
སྙན་བརྗིད་ཆགས་གསེབ་ནས་སེམས་དབུས་སུ་མཆེད་ཡོད།།
ལྷ་དཀྱིལ་འཁོར་ཤེས་རབ་གཅིག་འདྲེས་པའི་ངོ་བོ།།
མགོན་རྗེ་བཙུན་འཇམ་དཔལ་ཡི་དམ་གྱི་གཙོ་མཆོག།
གུས་དད་གདུང་ལམ་ནས་བསྔགས་བརྗོད་དག་མཇལ་བས།།
ཚིག་ངོ་མཚར་རིང་མོ་རྫ་ཆབ་ལྟར་བཞུར་འོང་།།
དུས་བསྐལ་མང་ཁྲོད་དུ་རྒྱལ་ཀུན་ལ་མཇལ་ཞིང་།།
གཏམ་ཡིད་དབུས་རི་མོ་འབུར་ཚུགས་སུ་བྲིས་པ།།
བདག་སེམས་ཀྱི་ལྗོན་པར་ཁ་བ་བཞིན་གླན་པས།།
སྡུག་སྨུག་པའི་ན་བུན་དྭངས་ཙམ་ལ་ཕྱོགས་སོང་།།
ཕྱི་སྣང་བ་རྫུན་གྱི་བརྙན་རིས་སུ་གཟིགས་ཏེ།།
ནང་དོན་ཟབ་ལྟ་བའི་རྒྱལ་ས་རུ་འབྱོར་ཞིང་།།
གདངས་མི་འཇགས་དོ་ཧའི་རང་མདངས་དེར་འཕྲད་པས།།
སྨྲ་མི་ཤེས་ཧད་དེ་ཡུན་ཙམ་རིང་དུ་ལུས་ཡོད།།
ཕྱི་འགྲོ་བའི་ཚོགས་ཀྱི་ཀུན་སྤྱོད་ལ་མཐུན་དང་།།
ནང་ཀུན་བཟང་དགོངས་པའི་དཔལ་མཆོག་དང་འགྲིགས་པ།།
རྗེ་ཁྱེད་རང་དུས་འདིར་མཇལ་ཙམ་གྱིས་སྣང་བས།།
ཡིད་དགའ་སྐྱིད་ཉི་མའི་འོད་སྣང་དང་བསྡེབས་པོ།།
མགུར་ཡིད་འཕྲོག་རྗེ་བཙུན་རས་པ་ཡི་ཟླ་བོ།།
གནད་ཀུན་འདུས་མན་ངག་བདུད་རྩི་དང་མཚུངས་ལ།།
ལུས་ནད་བརྒྱའི་གཟིར་བའི་བསྐལ་མང་གི་ཁྲོད་དུ།།
གསུང་ཨེན་ཙམ་མཐུ་ཡིས་ལམ་བཟང་ཞིག་རྙེད་སོང་།།
21/2/6/ནུབ་མོ།
