སྐྱབས་གཅིག་འཁོར་ལོའི་མགོན་པོ་མཆོག་སྤྲུལ་ཉི་མ་རྡོ་རྗེ་རིན་པོ་ཆེ་མཆོག་ལ་བྱ་དཀའ་བའི་ལམ་ནས་རྗེས་དྲན་མན་དཱ་རའི་ཕྲེང་མཛེས་ཞེས་བྱ་བ། ཨང་དང་པོ །
______ཁམས་འབྲོང་རྒོད། ཡུལ་ཤུལ།
རབ་དཀར་ཟླ་བས་ཆུ་སྐྱེས་ནོན་པའི་ཁར།།
རབ་སྒེགས་སྐུ་ཡི་འདུ་བྱེད་ངོམ་པའི་གར།།
རབ་སྒྱུར་ངག་རིགས་ལྷ་མོ་བཅོམ་ལྡན་མས།།
རབ་སྙན་བསྟོད་ཚིག་འབྲི་བར་རམ་ཐོགས་ཤིག།
ཀ་དག་ཁ་དོག་མཚན་མས་དག་པའི་དབུས།།
ག་ཐག་ང་འཛིན་བསྐྱུར་ཏེ་སངས་རྒྱས་ཀྱང་།།
ར་སྤྲགས་ལ་གོར་མྱོང་བའི་དགའ་སྟོན་གྱིས།།
ཤ་ཚས་ས་གསུམ་སྐྱོང་མཛད་བླ་མར་འདུད།།
རྒྱལ་ཀུན་གསང་གསུམ་བྱེ་བས་བསྐྲུན་པའི་གར།།
རིག་ཀུན་གཅིག་ཏུ་བསྡུས་པའི་ངོར་སྒྱུར་བ།།
སྐྱབས་ཀུན་འདུས་པའི་རིགས་བདག་བླ་མ་ཉིད།།
སྒོ་ཀུན་དྭངས་བའི་ཁབ་ལ་རོལ་ཞིང་བཞུགས།།
སྔོན་བྱུང་ཚེ་ན་སྦྲགས་ཀྱི་ཡང་བའི་རྫོང་་།།
རྫོང་དུ་བྱས་ནས་གཤིན་རྗེ་གཤེད་མཆོག་གྲུབ།།
གྲུབ་པའི་རྟགས་སུ་བྲག་ལ་ཕུར་པ་རྡེབ།།
རྡེབ་་མཛད་སངས་རྒྱས་ཡེ་ཤེས་ཞེས་སུ་གྲགས།།
དེ་རྗེས་ཞང་ཁྲོམ་པ་དང་ཤཀྱའི་མཚན།།
མཚན་ལྡན་པད་མ་འདུས་རྩལ་བྱང་གླིང་མཆོག།
མཆོག་གྱུར་གྲུབ་བརྙེས་དུ་མའི་ཡང་སྲིད་དུ།།
དུ་མའི་རྡོ་རྗེའི་ལུང་གིས་ཡང་ཡང་བསྔགས།།
ད་དུས་ཆོ་རིགས་བཙུན་པའི་ནགས་ཀློང་དུ།།
དུ་མའི་མཚན་བཟང་མཆོག་གིས་རབ་བརྒྱན་ཞིང་།།
ཞིང་འདིར་གཟུགས་སྐུའི་སྒྱུ་འཕྲུལ་ཟློས་བའི་གར།།
གར་མཁན་བསྟན་པའི་ཉི་མ་སྲིད་ན་རྒྱལ།།
དུས་ངན་བདུད་ཀྱི་བུ་མོའི་ཁ་རླངས་ཀྱིས།།
ཆེ་དྲུག་ཆོས་ཀྱི་བ་དན་བསྙིལ་བ་ན།།
བསྟན་པའི་རུ་མཚོན་དཔུང་བས་བཏེགས་མཛད་པའི།།
འགྲོ་བློའི་ཉི་མ་ཆེན་པོ་གཙུག་གིས་མཆོད།།
རིག་འཛིན་སངས་རྒྱས་ཡེ་ཤེས་མན་ཆད་དང་།།
རིགས་བདག་ཆོས་ཀྱི་ཉི་མ་ཡན་ཆད་ཀྱི།།
རིག་འཛིན་ཁྱུང་ཕྲེང་ཟམ་མ་ཆད་པ་དེར།།
རིག་བྱེད་ཚིག་གི་མེ་ཏོག་ངག་ནས་གཏོར།།
སྐུ་གཅིག་མཚན་དཔེ་མཛེས་པའི་རྒྱན་ཆ་ཅན།།
གསུང་གཅིག་ཚངས་དབྱངས་དྲུག་ཅུའི་སྒྲ་དབྱངས་ཅན།།
ཐུགས་གཅིག་སྤང་རྟོགས་ཡོན་ཏན་མངའ་བ་ཅན།།
སྐྱབས་གཅིག་འཁོར་ལོའི་མགོན་པོ་ཕྱག་གིས་མཆོད།།
ཚོགས་གཉིས་བསོད་ནམས་ཕུང་པོ་སྤུངས་བ་ལས།།
མཁྱེན་གཉིས་ཡེ་ཤེས་དཀྱིལ་འཁོར་རྒྱས་པའི་ཆས།།
བདེན་གཉིས་མ་ནོར་ཇི་བཞིན་སྟོན་མཁས་པ།།
ལུགས་གཉིས་ལྷ་མའི་མཁས་དགུའི་རལ་བའི་རྒྱན།།
དུས་གསུམ་སྒྲིབ་པ་མེད་པར་མཁྱེན་པའི་ངོར།།
ས་གསུམ་ལྷག་པ་མེད་པར་བརྩེ་བའི་ཟེར།།
དུག་གསུམ་བསྒྲིམ་མེད་སྤོང་བའི་ནུས་པའི་འོད།།
བརྒྱུད་གསུམ་རིག་འཛིན་བྱེ་བའི་ཞལ་སྐྱིན་མཆོག།
བདེ་སྟོང་ཐབས་ཤེས་སྦྱོར་བའི་ཕྱག་རྒྱ་དང་།།
སྣང་སྟོང་སྒྱུ་མར་རྟོགས་པའི་ལམ་མཆོག་གིས།།
གསལ་སྟོང་དབྱེར་འཛིན་མེད་པའི་ངོ་བོ་སྟེ།།
ཡེ་སྟོང་གདོན་མའི་རང་ཞལ་མངོན་དུ་བྱས།།
བསླབ་གསུམ་རྒྱན་དུ་འཆང་བའི་གོ་ཆ་ཡིས།།
བདུད་བཞིའི་གཡུལ་ངོ་བཟློག་པའི་དཔའ་བོ་གང་།།
དུག་ལྔའི་ཁུར་གྱིས་ནོན་པའི་འགྲོ་ཚོགས་ལ།།
ཕྱིན་དྲུག་ཆོས་ཀྱི་དགའ་སྟོན་འགྱེད་མཁས་པ།།
ཆོས་བརྒྱད་དབལ་ཁ་རྣོ་བའི་སོ་རྩེ་ནས།།
ནོར་བདུན་དཔལ་དུ་བཀུག་པའི་རེ་ཁ་ཡི།།
རིགས་དྲུག་གཡང་ནས་སྐྱོབ་པའི་འོད་ཞགས་ཀྱིས།།
དུག་ལྔའི་སྨག་ཚོགས་གཞོམ་མཛད་བླ་མར་འདུད།།
ལེགས་བྱས་བསོད་ནམས་སྤྲིན་གྱི་བླ་བྲེ་ལས།།
ལེགས་འཁྲུངས་ལུགས་གཉིས་ལྷ་མའི་འདོད་རྒུའི་ཆར།།
ལེགས་ཚོགས་བསྟན་དང་འགྲོ་བའི་ཞིང་ས་རུ།།
ལེགས་འབེབ་མཛད་འཕྲིན་འོད་ཀྱི་མུ་ཁྱུད་ཅན།།
ཐུབ་པ་སྲིད་པའི་མིག་ཅན་གཤེགས་ཤུལ་དུ།།
ཐུབ་བསྟན་སྨོན་ལོག་བདུད་ཀྱིས་བརླག་ཉེ་ཚེ།།
ཐུབ་དཀའ་མི་འཇིགས་སྤོབས་པའི་གད་རྒྱང་གིས།།
ཐུབ་བསྟན་བ་དན་སྒྲེང་མཛད་མགོན་པོ་མཆོག།
མཐའ་མེད་འཁོར་བ་དུག་གི་ཐང་ཆེན་དུ།།
བཟློག་མེད་ཁོར་མོར་འཕྱན་པའི་ལུས་ཅན་ཚོགས།།
ཞུམ་མེད་བརྩེ་ཆེན་སྙིང་རྗེའི་ཕྱག་རིང་གིས།།
འཕོ་མེད་རྒྱལ་སར་འགོད་མཛད་བླ་མ་ཉིད།།
འདིས་མཚོན་བླ་མའི་གསང་གསུམ་ཡོན་ཏན་གང་།།
གང་གི་བློ་ཡི་ཡུལ་ལས་འགོང་ན་ཡང་།།
ཡང་ཡང་བསམ་སྟེ་མགོན་དེའི་མཛད་འཕྲིན་ཆེ།།
ཆེ་བའི་ཆ་ཤས་ཙམ་ལ་བསྔགས་ཁུལ་བྱས།།
ཁྱེད་ཉིད་མགྲིན་སྔོན་ཅན་དང་པད་དཀར་མིག།
མིག་སྟོང་ཅན་སོགས་སྲིད་ན་ཆེ་བའི་ཚོགས།།
ཚོགས་དང་བཅས་པས་ཞབས་རྡུལ་སྤྱི་བོའི་རྒྱན།།
རྒྱན་དུ་ལེན་ན་བདག་འདྲས་སྨོས་ཅི་དགོས།།
དེས་ན་ཕ་རྒོད་བླ་མ་བསྟོད་པའི་དབྱངས།།
དབྱངས་ཅན་ལྷ་མོས་རྒྱུད་མང་འཁྲོལ་བའི་སྒྲར།།
སྒྲ་རིག་ཚིག་གི་རྒྱན་ཆས་སྤུད་པ་ཡི།།
ཡི་གེའི་འདུ་བྱེད་བསྒྲིགས་པའི་མཆོད་ཚོགས་ཡིན།།
སྙན་སྙན་སྙན་པའི་སྡེབ་སྦྱོར་མ་མཆིས་ཀྱང་།།
ངལ་ངལ་ངལ་བ་བྱས་པའི་ཉེར་རྒྱུ་ཡིས།།
ལེགས་ལེགས་ལེགས་པར་གྲུབ་པའི་ཚིག་ཕྲེང་འདི།།
མགོན་མགོན་མགོན་ཁྱེད་དགྱེས་པའི་དཔྱིད་དུ་འབུལ།།
འདིའི་མཐུས་མཚན་ལྡན་བླ་མའི་ཞབས་པད་གང་།།
ཚེ་རབས་རྒྱན་དུ་ཕོབ་པའི་སྐལ་བཟང་དེ།།
ཟླ་བྲལ་མགོན་པོའི་ཐུགས་རྗེའི་མཐུ་བྱིན་གྱིས།།
______ཁམས་འབྲོང་རྒོད། ཡུལ་ཤུལ།
རབ་དཀར་ཟླ་བས་ཆུ་སྐྱེས་ནོན་པའི་ཁར།།
རབ་སྒེགས་སྐུ་ཡི་འདུ་བྱེད་ངོམ་པའི་གར།།
རབ་སྒྱུར་ངག་རིགས་ལྷ་མོ་བཅོམ་ལྡན་མས།།
རབ་སྙན་བསྟོད་ཚིག་འབྲི་བར་རམ་ཐོགས་ཤིག།
ཀ་དག་ཁ་དོག་མཚན་མས་དག་པའི་དབུས།།
ག་ཐག་ང་འཛིན་བསྐྱུར་ཏེ་སངས་རྒྱས་ཀྱང་།།
ར་སྤྲགས་ལ་གོར་མྱོང་བའི་དགའ་སྟོན་གྱིས།།
ཤ་ཚས་ས་གསུམ་སྐྱོང་མཛད་བླ་མར་འདུད།།
རྒྱལ་ཀུན་གསང་གསུམ་བྱེ་བས་བསྐྲུན་པའི་གར།།
རིག་ཀུན་གཅིག་ཏུ་བསྡུས་པའི་ངོར་སྒྱུར་བ།།
སྐྱབས་ཀུན་འདུས་པའི་རིགས་བདག་བླ་མ་ཉིད།།
སྒོ་ཀུན་དྭངས་བའི་ཁབ་ལ་རོལ་ཞིང་བཞུགས།།
སྔོན་བྱུང་ཚེ་ན་སྦྲགས་ཀྱི་ཡང་བའི་རྫོང་་།།
རྫོང་དུ་བྱས་ནས་གཤིན་རྗེ་གཤེད་མཆོག་གྲུབ།།
གྲུབ་པའི་རྟགས་སུ་བྲག་ལ་ཕུར་པ་རྡེབ།།
རྡེབ་་མཛད་སངས་རྒྱས་ཡེ་ཤེས་ཞེས་སུ་གྲགས།།
དེ་རྗེས་ཞང་ཁྲོམ་པ་དང་ཤཀྱའི་མཚན།།
མཚན་ལྡན་པད་མ་འདུས་རྩལ་བྱང་གླིང་མཆོག།
མཆོག་གྱུར་གྲུབ་བརྙེས་དུ་མའི་ཡང་སྲིད་དུ།།
དུ་མའི་རྡོ་རྗེའི་ལུང་གིས་ཡང་ཡང་བསྔགས།།
ད་དུས་ཆོ་རིགས་བཙུན་པའི་ནགས་ཀློང་དུ།།
དུ་མའི་མཚན་བཟང་མཆོག་གིས་རབ་བརྒྱན་ཞིང་།།
ཞིང་འདིར་གཟུགས་སྐུའི་སྒྱུ་འཕྲུལ་ཟློས་བའི་གར།།
གར་མཁན་བསྟན་པའི་ཉི་མ་སྲིད་ན་རྒྱལ།།
དུས་ངན་བདུད་ཀྱི་བུ་མོའི་ཁ་རླངས་ཀྱིས།།
ཆེ་དྲུག་ཆོས་ཀྱི་བ་དན་བསྙིལ་བ་ན།།
བསྟན་པའི་རུ་མཚོན་དཔུང་བས་བཏེགས་མཛད་པའི།།
འགྲོ་བློའི་ཉི་མ་ཆེན་པོ་གཙུག་གིས་མཆོད།།
རིག་འཛིན་སངས་རྒྱས་ཡེ་ཤེས་མན་ཆད་དང་།།
རིགས་བདག་ཆོས་ཀྱི་ཉི་མ་ཡན་ཆད་ཀྱི།།
རིག་འཛིན་ཁྱུང་ཕྲེང་ཟམ་མ་ཆད་པ་དེར།།
རིག་བྱེད་ཚིག་གི་མེ་ཏོག་ངག་ནས་གཏོར།།
སྐུ་གཅིག་མཚན་དཔེ་མཛེས་པའི་རྒྱན་ཆ་ཅན།།
གསུང་གཅིག་ཚངས་དབྱངས་དྲུག་ཅུའི་སྒྲ་དབྱངས་ཅན།།
ཐུགས་གཅིག་སྤང་རྟོགས་ཡོན་ཏན་མངའ་བ་ཅན།།
སྐྱབས་གཅིག་འཁོར་ལོའི་མགོན་པོ་ཕྱག་གིས་མཆོད།།
ཚོགས་གཉིས་བསོད་ནམས་ཕུང་པོ་སྤུངས་བ་ལས།།
མཁྱེན་གཉིས་ཡེ་ཤེས་དཀྱིལ་འཁོར་རྒྱས་པའི་ཆས།།
བདེན་གཉིས་མ་ནོར་ཇི་བཞིན་སྟོན་མཁས་པ།།
ལུགས་གཉིས་ལྷ་མའི་མཁས་དགུའི་རལ་བའི་རྒྱན།།
དུས་གསུམ་སྒྲིབ་པ་མེད་པར་མཁྱེན་པའི་ངོར།།
ས་གསུམ་ལྷག་པ་མེད་པར་བརྩེ་བའི་ཟེར།།
དུག་གསུམ་བསྒྲིམ་མེད་སྤོང་བའི་ནུས་པའི་འོད།།
བརྒྱུད་གསུམ་རིག་འཛིན་བྱེ་བའི་ཞལ་སྐྱིན་མཆོག།
བདེ་སྟོང་ཐབས་ཤེས་སྦྱོར་བའི་ཕྱག་རྒྱ་དང་།།
སྣང་སྟོང་སྒྱུ་མར་རྟོགས་པའི་ལམ་མཆོག་གིས།།
གསལ་སྟོང་དབྱེར་འཛིན་མེད་པའི་ངོ་བོ་སྟེ།།
ཡེ་སྟོང་གདོན་མའི་རང་ཞལ་མངོན་དུ་བྱས།།
བསླབ་གསུམ་རྒྱན་དུ་འཆང་བའི་གོ་ཆ་ཡིས།།
བདུད་བཞིའི་གཡུལ་ངོ་བཟློག་པའི་དཔའ་བོ་གང་།།
དུག་ལྔའི་ཁུར་གྱིས་ནོན་པའི་འགྲོ་ཚོགས་ལ།།
ཕྱིན་དྲུག་ཆོས་ཀྱི་དགའ་སྟོན་འགྱེད་མཁས་པ།།
ཆོས་བརྒྱད་དབལ་ཁ་རྣོ་བའི་སོ་རྩེ་ནས།།
ནོར་བདུན་དཔལ་དུ་བཀུག་པའི་རེ་ཁ་ཡི།།
རིགས་དྲུག་གཡང་ནས་སྐྱོབ་པའི་འོད་ཞགས་ཀྱིས།།
དུག་ལྔའི་སྨག་ཚོགས་གཞོམ་མཛད་བླ་མར་འདུད།།
ལེགས་བྱས་བསོད་ནམས་སྤྲིན་གྱི་བླ་བྲེ་ལས།།
ལེགས་འཁྲུངས་ལུགས་གཉིས་ལྷ་མའི་འདོད་རྒུའི་ཆར།།
ལེགས་ཚོགས་བསྟན་དང་འགྲོ་བའི་ཞིང་ས་རུ།།
ལེགས་འབེབ་མཛད་འཕྲིན་འོད་ཀྱི་མུ་ཁྱུད་ཅན།།
ཐུབ་པ་སྲིད་པའི་མིག་ཅན་གཤེགས་ཤུལ་དུ།།
ཐུབ་བསྟན་སྨོན་ལོག་བདུད་ཀྱིས་བརླག་ཉེ་ཚེ།།
ཐུབ་དཀའ་མི་འཇིགས་སྤོབས་པའི་གད་རྒྱང་གིས།།
ཐུབ་བསྟན་བ་དན་སྒྲེང་མཛད་མགོན་པོ་མཆོག།
མཐའ་མེད་འཁོར་བ་དུག་གི་ཐང་ཆེན་དུ།།
བཟློག་མེད་ཁོར་མོར་འཕྱན་པའི་ལུས་ཅན་ཚོགས།།
ཞུམ་མེད་བརྩེ་ཆེན་སྙིང་རྗེའི་ཕྱག་རིང་གིས།།
འཕོ་མེད་རྒྱལ་སར་འགོད་མཛད་བླ་མ་ཉིད།།
འདིས་མཚོན་བླ་མའི་གསང་གསུམ་ཡོན་ཏན་གང་།།
གང་གི་བློ་ཡི་ཡུལ་ལས་འགོང་ན་ཡང་།།
ཡང་ཡང་བསམ་སྟེ་མགོན་དེའི་མཛད་འཕྲིན་ཆེ།།
ཆེ་བའི་ཆ་ཤས་ཙམ་ལ་བསྔགས་ཁུལ་བྱས།།
ཁྱེད་ཉིད་མགྲིན་སྔོན་ཅན་དང་པད་དཀར་མིག།
མིག་སྟོང་ཅན་སོགས་སྲིད་ན་ཆེ་བའི་ཚོགས།།
ཚོགས་དང་བཅས་པས་ཞབས་རྡུལ་སྤྱི་བོའི་རྒྱན།།
རྒྱན་དུ་ལེན་ན་བདག་འདྲས་སྨོས་ཅི་དགོས།།
དེས་ན་ཕ་རྒོད་བླ་མ་བསྟོད་པའི་དབྱངས།།
དབྱངས་ཅན་ལྷ་མོས་རྒྱུད་མང་འཁྲོལ་བའི་སྒྲར།།
སྒྲ་རིག་ཚིག་གི་རྒྱན་ཆས་སྤུད་པ་ཡི།།
ཡི་གེའི་འདུ་བྱེད་བསྒྲིགས་པའི་མཆོད་ཚོགས་ཡིན།།
སྙན་སྙན་སྙན་པའི་སྡེབ་སྦྱོར་མ་མཆིས་ཀྱང་།།
ངལ་ངལ་ངལ་བ་བྱས་པའི་ཉེར་རྒྱུ་ཡིས།།
ལེགས་ལེགས་ལེགས་པར་གྲུབ་པའི་ཚིག་ཕྲེང་འདི།།
མགོན་མགོན་མགོན་ཁྱེད་དགྱེས་པའི་དཔྱིད་དུ་འབུལ།།
འདིའི་མཐུས་མཚན་ལྡན་བླ་མའི་ཞབས་པད་གང་།།
ཚེ་རབས་རྒྱན་དུ་ཕོབ་པའི་སྐལ་བཟང་དེ།།
ཟླ་བྲལ་མགོན་པོའི་ཐུགས་རྗེའི་མཐུ་བྱིན་གྱིས།།
སློབ་མཐར་གཏོགས་པ་བདག་ལ་དེ་རིང་སྩོལ།།
---------------------------------------------------------------------------------------------------
ཚིག་རྒྱན་རིག་པའི་ཤམ་བུ། ཨང་གཉིས་པ །
--- སེའུ།
རབ་མཛེས་གངས་ཀྱི་སྤོ་ལ་གནས་བཅས་པའི།།
རབ་བྱུང་ཚངས་པར་སྤྱོད་པའི་ཞི་དུལ་བློས།།
རབ་ཕྲ་གནས་ལུགས་རྒྱུ་སྐར་རྒྱ་མཚོའི་ངོགས།།
རབ་ཏུ་རླིང་པའི་གཏན་ཚིག་ཁྱད་པར་བཙལ།།
ཐུབ་པའི་ལེགས་སྟོན་དཀའ་ཐུབ་བདེན་པའི་ལམ།།
མི་ཕྱེད་སྤོབས་པས་མི་ལྡོག་བགྲོད་པས་ནི།།
མངོན་དགའི་ཞིང་དུ་མངོན་འཚང་རྒྱལ་ནས་ཀྱང་།།
འགྲོ་འདུལ་ཐབས་ལ་འགྲོ་བའི་མགོན་འགྱུར་ཤོག །
ཤེས་རབ་འཕྲུལ་གྱི་ཚན་ཁ་རབ་འཕྲོས་པས།།
བདག་བློའི་རབ་རུབ་མི་ཤེས་ཀུན་གསལ་ཏེ།།
གནས་ལུགས་ལྟ་བའི་མིག་སྟོང་འབྱེད་པ་ཡིས།།
སྟོང་གསུམ་འགྲོ་བའི་བཏུད་གནས་བདག་གྱུར་ཅིག །
གསལ་ལོ་མཁྱེན་པའི་ཡེ་ཤེས་ཀྱིས།།
བདག་བློའི་ར་རིའི་དྲི་མ་ཀུན།།
རྟ་ལྗང་འོད་ཀྱིས་མུན་པའི་རྡུལ།།
འདམ་ཆུ་ཀེ་ཏ་ཀ་ཡིས་ལྟར།།
སྙན་ངག་མཁན་ལ་ལོ་ཆང་དང་།།
སྐབས་གསུམ་ཡིད་འོང་གླུ་གར་གྱིས།།
དགྱེས་པར་འགྱུར་རོ་གཞོན་ནུ་མར།།
བསྟོད་པ་ཚིག་གི་རྒྱན་གྱིས་སོ།།
----------------------------------------------------------------------------------------------
རྒྱལ་སར་བསྙེགས་པའི་རྒྱན་དྲུག་མཆོག་གཉིས། ཨང་གསུམ་པ །
--- མེ་དོང་།
འགྲོ་ལ་སྙིང་རྗེའི་ཆུ་གཏེར་རྒྱས་མཛད་པའི།།
གྲངས་མེད་གསུམ་དུ་ཚོགས་གཉིས་རབ་རྫོགས་ནས།།
བགྲོད་དཀའ་མི་འཇེད་ཞིང་གི་དཔལ་དུ་གྱུར།།
རྒྱལ་བུ་དོན་ཀུན་གྲུབ་པ་ལ་ཕྱག་འཚལ།།
དེ་ཡི་ཤེས་རབ་ཆེན་པོའི་རྩེར་ཟིན་པ།།
དེ་ཉིད་རབ་ཏུ་བརྩོན་པའི་གོ་འཕང་བརྙེས།
དེ་ལ་བསྟན་པ་གཉིས་པ་ཞེས་སུ་གྲགས།།
དེ་ཡི་སྟོན་པ་ཀླུ་སྒྲུབ་ལ་ཕྱག་འཚལ།།
གང་གི་སྲས་ཀྱི་ཐུ་བོ་དགེ་ལེགས་པ།།
མུ་སྟེགས་ཚར་བཅད་མུན་པའི་སྒྲོན་མེ་བཞིན།།
ཀུན་བཏགས་འཇམ་པའི་ཀུན་མཁྱེན་ལམ་སྟོན་པ།།།
ཨ་ཇོ་ཞ་ར་ཨརྱ་མིག་གཅིག་འདུད།།
མཁྱེན་བརྩེའི་དཀྱིལ་འཁོར་མཁྱེན་པ་རབ་རྒྱས་པ།།
མཁའ་མཉམ་ཤེས་བྱའི་མཁའ་རུ་རབ་འཕགས་ནས།།
འཕགས་ཡུལ་གསུང་གི་དབང་ཕྱུག་འཕགས་པ་པོ།།
ཐུགས་རྗེ་ཟླ་བྲལ་འཕགས་པ་ཐོགས་མེད་འདུད།།
གང་གི་བློ་གྲོས་ཉི་མའི་ཟེར་ལ་འཆིབ།།
འབུམ་སྡེའི་གཞུང་ནི་བློ་ཡི་མགུལ་བརྒྱན་ཅིང་།།
འཛམ་གླིང་མཛེས་པའི་རྒྱན་དུ་ཀུན་མཁྱེན་གྲགས།།
འགྲོ་བའི་དོན་མཛད་དབྱིག་གཉེན་ལ་ཕྱག་འཚལ།།
བསྟན་པའི་སྟོན་པ་ཚད་མས་ཚད་མར་སྒྲུབ།།
བདུད་ཀྱི་དཔུང་ལ་སྟོན་པ་ཚད་མ་བཞེད།།
དེ་ཕྱིར་ཐུབ་བའི་བསྟན་པ་བརྒྱན་མཛད་པ།།
ཐུབ་བསྟན་ལོག་སྨྲ་འཇོམ་པའི་ཕྱོགས་གླང་འདུད།།
ཆོས་ཀུན་ཆོས་ཉིད་རིག་པའི་གཞི་དབྱིངས་སུ།།
སྨྲ་ངན་ནགས་ཚལ་སྲེག་པའི་མེ་དཔུང་སྦར།།
རྩོད་ཆེན་སྟོང་གསུམ་གྲགས་པའི་གྲགས་པ་ཆེ།།
མུན་སེལ་ར་གྲི་འཆང་བའི་ཆོས་གྲགས་རྒྱལ།།
ཕན་སྡེ་འབྱུང་གནས་བསླབ་གསུམ་རྒྱ་མཚོས་ཕྱུག །
འདུལ་གཞུང་ནོར་བུའི་རིག་མཛོད་གདེངས་ཀས་བརྗིད།།
མཁས་མཆོག་ཡོ་ཏན་འོད་དང་ཤཱཀྱ་འོད།།
ངུར་སྨིག་གར་གྱིས་རོལ་བའི་མཆོག་གཉིས་འདུད།།
སངས་རྒྱས་བསྟན་པ་རིན་ཆེན་རྒྱན་གྱིས་སྤྲས།།
སྒྲུབ་རྒྱུད་ཤིང་རྟའི་སྲོལ་ལ་མངའ་འབྱོར་ཞིང་།།
བསྟན་པ་ཕྱོགས་བཅུའི་མཐའ་རུ་རྒྱས་མཛད་པ།།
རྟག་ཏུ་དེ་ལ་གུས་པས་ཕྱག་འཚལ་ལོ།།
-------------------------------------------------------------------------------------------
དབྱངས་ཅན་ངག་གི་རོལ་མཚོ། ཨང་བཞི་པ །
---- རུས་པ་དཀར།
དབྱངས་ངེས་པའི་བྱ་དཀའ་བའི་ཚིག
ཚོགས་གཉིས་ལེགས་བྱུང་མཆོག་གྱུར་རྫོགས་པའི་ཀུན་མཁྱེན་འོད།།
སྐུ་གསུང་ཐུགས་ཀྱིས་གཟི་འོད་ཕྱོགས་ཀུན་གཏེར་མཛོད་འཁྱིལ།།
སྒོ་གསུམ་མི་ཕྱེད་མོས་གུས་སེམས་པའི་སྙིང་ལ་སྐྱོངས།།
སྲིད་གསུམ་ཐུབ་པའི་གཙུག་ནོར་མྱུར་དུ་ཚུར་བྱོན་ཅིག །
སྒྲ་རྒྱན་དང་ཟུང་ལྡན་གྱི་སྙན་ཚིག
རབ་དཀར་མཚན་དཔེའི་གཟི་འོད་མཚོ་བྱུང་ལྷ་མོ་ཞལ།།
རབ་མཛེས་སྐྱེ་དགུ་གེ་སར་པདྨའི་འོད་མདངས་འཕྲོས།།
རབ་གསལ་མཁྱེན་རབ་རྒྱལ་ཀུན་མགྲིན་པའི་ངག་དབང་མ།།
རབ་ཡངས་འཕགས་པའི་ལྷ་མཆོག་དབྱངས་ཅན་ལྷ་མོ་ཡིན།།
སྐུ་མདོག་རབ་མཛེས་མཆོད་པའི་ཡིད་འོང་རིག་བྱེད་མ།།
གསུང་དབྱངས་གནམ་འོག་མི་ནུས་ཚངས་སྲས་དབྱངས་ཅན་མ།།
ཐུགས་བརྩེ་བྱིན་རླབས་ཀུན་སྩོལ་འགྲོ་བ་བློ་ཡི་གཏེར།།
ཤེས་རབ་ལྷ་མོ་དངོས་གྲུབ་ཐམས་ཅད་སྩོལ་གྱུར་ཅིག །
དཀར་གསལ་མཚོ་བྱུང་གེ་སར་མེ་ཏོག་རབ་ཏུ་དཀར།།
མཚུངས་མེད་ཀུན་ཁྱབ་ཟླ་བའི་འོད་མདངས་ཡང་དག་མཚུངས།།
མ་གྱུར་མཁའ་མཉམ་མཐའ་དག་ཡང་གསལ་ཀུན་གྲོལ་མ།།
དད་སེམས་ལྷག་བསམ་མོས་གུས་ཡིད་པས་རྟག་ཏུ་དད།།
ངེས་དོན་རིག་པའི་དབྱངས་སྙན་སྙན་འཇེབས་པི་ཝང་དཀྲོལ།།
རྣ་བའི་བདུད་རྩི་ཟིལ་མ་མ་གྱུར་སེམས་གསོས་གང་།།
དབྱངས་ཅན་ལྷ་མོ་ཕྱོགས་ཀུན་ཀུན་འགྲོ་མ་མ་མཆོག །
སྒྲ་དབྱངས་ཡང་དག་དག་པའི་དབྱངས་ཅན་ད་ཚུར་བྱོན།།
སྡོམ་གསུམ་མན་ངག་ཆུ་གཏེར་ཕྱོགས་མཚམས་ཀུན་ལ་ཁྱབ།།
བསླབ་གསུམ་རབ་བྱུང་རྨད་པའི་མཚོ་བྱུང་ལྷ་མོ་ཡིས།།
སྒོ་གསུམ་དད་པའི་སྨོན་ལམ་ཡང་ཡང་གསལ་འདེབས་ཀྱིས།།
སྲིད་གསུམ་མ་ལུས་ཀུན་རྫོགས་ཚད་མེད་བྱིན་རླབས་སྩོལ།།
---------------------------------------------------------------------------------------------------
ཚིག་རྒྱན་རིག་པའི་ཤམ་བུ། ཨང་གཉིས་པ །
--- སེའུ།
རབ་མཛེས་གངས་ཀྱི་སྤོ་ལ་གནས་བཅས་པའི།།
རབ་བྱུང་ཚངས་པར་སྤྱོད་པའི་ཞི་དུལ་བློས།།
རབ་ཕྲ་གནས་ལུགས་རྒྱུ་སྐར་རྒྱ་མཚོའི་ངོགས།།
རབ་ཏུ་རླིང་པའི་གཏན་ཚིག་ཁྱད་པར་བཙལ།།
ཐུབ་པའི་ལེགས་སྟོན་དཀའ་ཐུབ་བདེན་པའི་ལམ།།
མི་ཕྱེད་སྤོབས་པས་མི་ལྡོག་བགྲོད་པས་ནི།།
མངོན་དགའི་ཞིང་དུ་མངོན་འཚང་རྒྱལ་ནས་ཀྱང་།།
འགྲོ་འདུལ་ཐབས་ལ་འགྲོ་བའི་མགོན་འགྱུར་ཤོག །
ཤེས་རབ་འཕྲུལ་གྱི་ཚན་ཁ་རབ་འཕྲོས་པས།།
བདག་བློའི་རབ་རུབ་མི་ཤེས་ཀུན་གསལ་ཏེ།།
གནས་ལུགས་ལྟ་བའི་མིག་སྟོང་འབྱེད་པ་ཡིས།།
སྟོང་གསུམ་འགྲོ་བའི་བཏུད་གནས་བདག་གྱུར་ཅིག །
གསལ་ལོ་མཁྱེན་པའི་ཡེ་ཤེས་ཀྱིས།།
བདག་བློའི་ར་རིའི་དྲི་མ་ཀུན།།
རྟ་ལྗང་འོད་ཀྱིས་མུན་པའི་རྡུལ།།
འདམ་ཆུ་ཀེ་ཏ་ཀ་ཡིས་ལྟར།།
སྙན་ངག་མཁན་ལ་ལོ་ཆང་དང་།།
སྐབས་གསུམ་ཡིད་འོང་གླུ་གར་གྱིས།།
དགྱེས་པར་འགྱུར་རོ་གཞོན་ནུ་མར།།
བསྟོད་པ་ཚིག་གི་རྒྱན་གྱིས་སོ།།
----------------------------------------------------------------------------------------------
རྒྱལ་སར་བསྙེགས་པའི་རྒྱན་དྲུག་མཆོག་གཉིས། ཨང་གསུམ་པ །
--- མེ་དོང་།
འགྲོ་ལ་སྙིང་རྗེའི་ཆུ་གཏེར་རྒྱས་མཛད་པའི།།
གྲངས་མེད་གསུམ་དུ་ཚོགས་གཉིས་རབ་རྫོགས་ནས།།
བགྲོད་དཀའ་མི་འཇེད་ཞིང་གི་དཔལ་དུ་གྱུར།།
རྒྱལ་བུ་དོན་ཀུན་གྲུབ་པ་ལ་ཕྱག་འཚལ།།
དེ་ཡི་ཤེས་རབ་ཆེན་པོའི་རྩེར་ཟིན་པ།།
དེ་ཉིད་རབ་ཏུ་བརྩོན་པའི་གོ་འཕང་བརྙེས།
དེ་ལ་བསྟན་པ་གཉིས་པ་ཞེས་སུ་གྲགས།།
དེ་ཡི་སྟོན་པ་ཀླུ་སྒྲུབ་ལ་ཕྱག་འཚལ།།
གང་གི་སྲས་ཀྱི་ཐུ་བོ་དགེ་ལེགས་པ།།
མུ་སྟེགས་ཚར་བཅད་མུན་པའི་སྒྲོན་མེ་བཞིན།།
ཀུན་བཏགས་འཇམ་པའི་ཀུན་མཁྱེན་ལམ་སྟོན་པ།།།
ཨ་ཇོ་ཞ་ར་ཨརྱ་མིག་གཅིག་འདུད།།
མཁྱེན་བརྩེའི་དཀྱིལ་འཁོར་མཁྱེན་པ་རབ་རྒྱས་པ།།
མཁའ་མཉམ་ཤེས་བྱའི་མཁའ་རུ་རབ་འཕགས་ནས།།
འཕགས་ཡུལ་གསུང་གི་དབང་ཕྱུག་འཕགས་པ་པོ།།
ཐུགས་རྗེ་ཟླ་བྲལ་འཕགས་པ་ཐོགས་མེད་འདུད།།
གང་གི་བློ་གྲོས་ཉི་མའི་ཟེར་ལ་འཆིབ།།
འབུམ་སྡེའི་གཞུང་ནི་བློ་ཡི་མགུལ་བརྒྱན་ཅིང་།།
འཛམ་གླིང་མཛེས་པའི་རྒྱན་དུ་ཀུན་མཁྱེན་གྲགས།།
འགྲོ་བའི་དོན་མཛད་དབྱིག་གཉེན་ལ་ཕྱག་འཚལ།།
བསྟན་པའི་སྟོན་པ་ཚད་མས་ཚད་མར་སྒྲུབ།།
བདུད་ཀྱི་དཔུང་ལ་སྟོན་པ་ཚད་མ་བཞེད།།
དེ་ཕྱིར་ཐུབ་བའི་བསྟན་པ་བརྒྱན་མཛད་པ།།
ཐུབ་བསྟན་ལོག་སྨྲ་འཇོམ་པའི་ཕྱོགས་གླང་འདུད།།
ཆོས་ཀུན་ཆོས་ཉིད་རིག་པའི་གཞི་དབྱིངས་སུ།།
སྨྲ་ངན་ནགས་ཚལ་སྲེག་པའི་མེ་དཔུང་སྦར།།
རྩོད་ཆེན་སྟོང་གསུམ་གྲགས་པའི་གྲགས་པ་ཆེ།།
མུན་སེལ་ར་གྲི་འཆང་བའི་ཆོས་གྲགས་རྒྱལ།།
ཕན་སྡེ་འབྱུང་གནས་བསླབ་གསུམ་རྒྱ་མཚོས་ཕྱུག །
འདུལ་གཞུང་ནོར་བུའི་རིག་མཛོད་གདེངས་ཀས་བརྗིད།།
མཁས་མཆོག་ཡོ་ཏན་འོད་དང་ཤཱཀྱ་འོད།།
ངུར་སྨིག་གར་གྱིས་རོལ་བའི་མཆོག་གཉིས་འདུད།།
སངས་རྒྱས་བསྟན་པ་རིན་ཆེན་རྒྱན་གྱིས་སྤྲས།།
སྒྲུབ་རྒྱུད་ཤིང་རྟའི་སྲོལ་ལ་མངའ་འབྱོར་ཞིང་།།
བསྟན་པ་ཕྱོགས་བཅུའི་མཐའ་རུ་རྒྱས་མཛད་པ།།
རྟག་ཏུ་དེ་ལ་གུས་པས་ཕྱག་འཚལ་ལོ།།
-------------------------------------------------------------------------------------------
དབྱངས་ཅན་ངག་གི་རོལ་མཚོ། ཨང་བཞི་པ །
---- རུས་པ་དཀར།
དབྱངས་ངེས་པའི་བྱ་དཀའ་བའི་ཚིག
ཚོགས་གཉིས་ལེགས་བྱུང་མཆོག་གྱུར་རྫོགས་པའི་ཀུན་མཁྱེན་འོད།།
སྐུ་གསུང་ཐུགས་ཀྱིས་གཟི་འོད་ཕྱོགས་ཀུན་གཏེར་མཛོད་འཁྱིལ།།
སྒོ་གསུམ་མི་ཕྱེད་མོས་གུས་སེམས་པའི་སྙིང་ལ་སྐྱོངས།།
སྲིད་གསུམ་ཐུབ་པའི་གཙུག་ནོར་མྱུར་དུ་ཚུར་བྱོན་ཅིག །
སྒྲ་རྒྱན་དང་ཟུང་ལྡན་གྱི་སྙན་ཚིག
རབ་དཀར་མཚན་དཔེའི་གཟི་འོད་མཚོ་བྱུང་ལྷ་མོ་ཞལ།།
རབ་མཛེས་སྐྱེ་དགུ་གེ་སར་པདྨའི་འོད་མདངས་འཕྲོས།།
རབ་གསལ་མཁྱེན་རབ་རྒྱལ་ཀུན་མགྲིན་པའི་ངག་དབང་མ།།
རབ་ཡངས་འཕགས་པའི་ལྷ་མཆོག་དབྱངས་ཅན་ལྷ་མོ་ཡིན།།
སྐུ་མདོག་རབ་མཛེས་མཆོད་པའི་ཡིད་འོང་རིག་བྱེད་མ།།
གསུང་དབྱངས་གནམ་འོག་མི་ནུས་ཚངས་སྲས་དབྱངས་ཅན་མ།།
ཐུགས་བརྩེ་བྱིན་རླབས་ཀུན་སྩོལ་འགྲོ་བ་བློ་ཡི་གཏེར།།
ཤེས་རབ་ལྷ་མོ་དངོས་གྲུབ་ཐམས་ཅད་སྩོལ་གྱུར་ཅིག །
དཀར་གསལ་མཚོ་བྱུང་གེ་སར་མེ་ཏོག་རབ་ཏུ་དཀར།།
མཚུངས་མེད་ཀུན་ཁྱབ་ཟླ་བའི་འོད་མདངས་ཡང་དག་མཚུངས།།
མ་གྱུར་མཁའ་མཉམ་མཐའ་དག་ཡང་གསལ་ཀུན་གྲོལ་མ།།
དད་སེམས་ལྷག་བསམ་མོས་གུས་ཡིད་པས་རྟག་ཏུ་དད།།
ངེས་དོན་རིག་པའི་དབྱངས་སྙན་སྙན་འཇེབས་པི་ཝང་དཀྲོལ།།
རྣ་བའི་བདུད་རྩི་ཟིལ་མ་མ་གྱུར་སེམས་གསོས་གང་།།
དབྱངས་ཅན་ལྷ་མོ་ཕྱོགས་ཀུན་ཀུན་འགྲོ་མ་མ་མཆོག །
སྒྲ་དབྱངས་ཡང་དག་དག་པའི་དབྱངས་ཅན་ད་ཚུར་བྱོན།།
སྡོམ་གསུམ་མན་ངག་ཆུ་གཏེར་ཕྱོགས་མཚམས་ཀུན་ལ་ཁྱབ།།
བསླབ་གསུམ་རབ་བྱུང་རྨད་པའི་མཚོ་བྱུང་ལྷ་མོ་ཡིས།།
སྒོ་གསུམ་དད་པའི་སྨོན་ལམ་ཡང་ཡང་གསལ་འདེབས་ཀྱིས།།
སྲིད་གསུམ་མ་ལུས་ཀུན་རྫོགས་ཚད་མེད་བྱིན་རླབས་སྩོལ།།
