ཆོས་ས་ལ་མ་སྦྱར་སེམས་ལ་སྦྱོར། （ཨང་དང་པོ།）
--ཁམས་འབྲོང་རྒོད། ཡུལ་ཤུལ།
ཆོས་ཞེས་པ་སེམས་རྒྱུད་འཆོས་བྱེད་དུ། །
མགོན་སངས་རྒྱས་རྣམས་ཀྱིས་གསུངས་པ་རེད། །
ཆོས་རྡོ་ལ་མ་བརྐོ་སེམས་ལ་རྐོས། །
ཆོས་རླུང་ལ་མ་བསྒྲོན་སེམས་ལ་སྒྲོན།།
ཆོས་མེ་ཡིས་མ་བསྐོར་སེམས་ཀྱིས་སྐོར། །
ཆོས་ཆུ་ལ་མ་བསྐུར་སེམས་ལ་སྐུར། །
ཆོས་ས་ལ་མ་སྦྱར་སེམས་ལ་སྦྱོར། །
མགོན་སངས་རྒྱས་ཤཱཀྱ་ཐུབ་པ་ཡིས། །
ཆོས་གསུངས་པ་སེམས་ཅན་སེམས་རྒྱུད་དེ། །
ཡང་དག་པའི་ལམ་དུ་འཁྲིད་བྱེད་ལས། །
ཕྱི་འབྱུང་བཞི་ཆོས་ལ་སྐོར་བྱེད་དུ། །
གསུང་ཚིག་གཅིག་གསུངས་པ་རིག་མྱོང་མེད། །
དུས་དེང་སང་ཆ་རྐྱེན་འདྲ་མིན་དར། །
གནས་ས་རྡོ་རི་བྲག་ལྷ་སྐུས་གང་། །
དེའི་དོན་དུ་འཛིང་རྩོད་དུ་མ་བྱེད། །
དེ་དམ་ཆོས་མ་རེད་རྩོད་ཉོག་རེད། །
ལམ་ཟམ་པ་ལ་མགོ་ཇོ་དར་གང་། །
དེའི་སྟེང་དུ་བརྫིས་སྣོས་འབོག་གསུམ་བྱེད། །
གྲོང་སྲང་མདོ་ཆབ་ཁང་རླུང་རྟས་གང་། །
དེའི་གསེབ་ནས་གཅིན་སྐྱག་དྲི་མ་འཐུལ། །
བོད་ཁ་བའི་ཤི་དགེ་གསོན་རིམ་དུ། །
རས་ཇོ་དར་ལུས་ཚད་ལུས་ཚད་ཟེར། །
དེས་འཁོར་ཡུག་བཙོག་པར་མི་ཚད་པའི།།
ཟོག་རི་དྭགས་མང་པོའི་སྲོག་ལ་རྒོལ། །
བཀའ་བསྟན་འགྱུར་པོ་ཏི་རྡོ་ལ་བརྐོས། །
དབྱངས་གསལ་བྱེད་ཐིག་ཚད་ཅི་ཡང་མེད། །
བྱེའུ་གངས་ནང་སོང་བའི་རྗེས་ཤུལ་འདྲ། །
དེ་རླབས་ཆེན་ཆོས་ཤིག་ཨེ་ཡིན་ནམ། །
མི་རེ་རེའི་ཁ་པར་དྲྭ་ཚོམས་སུ། །
གོས་དམར་སེར་བླ་སྤྲུལ་པར་གྱིས་གང་། །
གཅིག་དད་ཀྱང་གཅིག་ལ་མི་དད་ཟེར། །
དོན་མེད་པའི་ཆགས་སྡང་དེ་ནས་འཕེལ། །
ནང་བཟའ་ཉོབ་དགུང་ཟས་མེད་ན་ཡང་། །
ཆོས་རིམ་གྲོའི་ཡོན་དུ་ཡོད་ཚད་ཕུལ། །
དེར་འབྱོར་ལན་ཡིག་ཤོག་སྟོང་བ་ཙམ། །
གྲངས་ཚང་བའི་དག་འདོན་མི་གདའ་ལོ།།
གཅིག་བཙོང་མཁན་གཅིག་ནི་ཉོ་མཁན་གྱི། །
ཆོས་དེ་འདྲ་ཐུབ་པའི་མ་གསུངས་ཀྱང་། །
སེམས་རྨོངས་དད་ཅན་གྱི་བོད་པ་ཚོས། །
ཆོས་སྒྲུབ་ལུགས་ཨེ་རེད་གཟུར་གནས་ཚོ། །
ཆོས་སྒྲུབ་དུས་སྦྱོར་དངོས་རྗེས་གསུམ་དང་། །
སེམས་ཀུན་སློང་བཅོས་ཚུལ་མི་ཤེས་པར། །
ལམ་ཧོལ་རྒྱུག་གནས་བསྐོར་མཆོད་མཇལ་དེ། །
སྤྲ་སྤྲེའུ་གནས་སྐོར་ཁྲིད་པ་འདྲ། །
སྡིག་མི་དགེ་བཅུ་ལ་འཆོལ་ཉོག་ཏུ། །
དུས་རྒྱུན་དུ་སྤྱོད་པའི་ཁྱིམ་པ་ཚོས། །
འུ་ཐུག་དུས་ང་འདྲའི་དམར་གཟུགས་རེར། །
སྐྱབས་འཆའ་ཚུལ་རིག་དུས་སྙིང་རེ་རྗེ། །
ཕྱི་འཁྲབ་སྟོན་འདྲ་བའི་ཆོས་སྒྲུབ་དེ། །
སུས་སྒྲུབ་ཀྱང་སླ་ལ་ཡག་ཀྱང་ཡག
ནང་བཤད་དང་སྒྲུབ་པའི་ཉམས་ལེན་དེ། །
མི་སུ་ལ་ཐུག་ཀྱང་དཀའ་དཀའ་གདའ། །
རང་ཆོས་པ་མིན་ཡང་ཆོས་ཚུལ་གྱི།།
ཚིག་གྲོང་སྐད་བསྲེས་པའི་འགུར་གླུ་འདི། །
སེམས་དགེ་སྡིག་འདྲེས་པའི་ཉིན་ཞིག་ལ། །
ཆོས་དགེ་སྡིག་བསྲེས་པའི་ཡུལ་ནས་བྲིས། །
རི་སུལ་གྱི་ཁ་བ། （ཨང་གཉིས་པ །）
-- སེའུ།
གང་ཚེ་ཁྱེད་ཉིད་འདུ་འཛུ་རབ་དབེན་ཅིང་།།
རྒྱ་ཕིབས་ངོས་སུ་ཁུ་སིམ་གྱིས་བབས་ཚེ།།
ཁྱེད་རང་རབ་ཏུ་གཡུང་པའི་བྱིས་པ་བཞིན།།
སུ་ལའང་སུན་པོ་མེད་པར་ཅི་དགར་ཆགས།།
ལུང་ཁུག་དང་ནི་རི་སྒང་གང་ས་ནས།།
ཁྱེད་ཀྱིས་གྲང་བའི་སྤུ་གྲིའི་ངར་ཁ་ལྡུད།།
ཁོད་ཡངས་དགུ་ཚིགས་མཚམས་སུ་མག་མོག་གི།།
ཟླ་འོད་དེ་ཡིས་ཟུར་མིག་གཡོ་སྟངས་ལས།།
ཁྱེད་ཁྱི་མཛེས་པའི་ལོ་མ་རེ་རེ་འང་།།
མཚན་དགུང་ནམ་མཁའི་དཀྱིལ་གྱི་གར་མ་ཡིན།།
ཉི་ཟེར་གསེར་ཏོག་ཕོག་ཚེ་ཁོར་ཡུག་ཀུན།།
ཁྱེད་ཀྱིས་མེས་པོ་དག་གི་རྣམ་ཤེས་ཀྱང་།།
ཨ་ཤེ་བཞིན་དུ་ཁ་བ་རི་བོ་རུ།།
སྐྱེས་སུ་མཆོད་དོ་ཨ་ཧོ་ཡིད་དུ་འོང་།།
སྦྲུམ་མ། （ཨང་གསུམ་པ།）
--- མཛངས་འཛུམ། (ཛམ་ཐང)
སྐྲ་ཡི་ཉག་མ་རེ་རེའམ།
ནུ་ཏོག་དང་མཁུར་ཚོས་ཀྱིས་སྣང་བ་སྦྲིད་པའི་གླགས་དེར།
ངག་མི་སྨྲ་བའི་ཚེ་སྲོག་ཅིག
ཤ་རུས་ཀྱི་སྒྲོམ་དུ་འཛུལ་འགོ་བརྩམས་པས།
ཡིད་ཀྱི་གཏིང་རིམ་གཏིང་རིམ་ནས།
ངལ་དུབ་ཀྱི་རླུང་རྒྱུ་ཞིང་ཐང་ཆད་པའི་སྨུག་པ་འཐིབས།
མགོ་ན་ཞེན་ལོག་གིས་ཉིན་ཞག་གྲངས་མེད་རྫོགས།
དེ་ནི་གཏམ་རྒྱུད་ཅིག་གི་འགོ་མཇུག་རེད་བཞག
སྐྱེ་ཟུག་རྒྱུག་ཐེངས་རེར།
ཟླ་མཚན་ལས་མོད་པའི་རྔུལ་ཆུ་བཞུར་ཡོང་།
རྔུལ་ཆུའི་རླངས་པར་འཁོར་བའི་སྦྲང་ནག་དེ་ག
ནང་སེམས་ཀྱི་ཟབ་ས་ནས་བྲོས་པའི་རེ་ཆགས་ཁོ་ན་ཉིད།
ཟུག་གཟེར་ལ་མཐའ་མི་འདུག་ཨང་།
དྲན་འཆར་གྱི་སྒོ་མོ་ཆེ་རུ་ཕྱེས་ཀྱང་།
ངས་ཨག་སྐད་ཅིག་ལ་རེ་སྒུག་བྱེད་རྒྱུ་ལས་ཐབས་གཞན་མ་རྙེད།
ད་ནི་ཉིན་ཞག་བཅུ་གསུམ་སོར་རྩེར་བགྲངས་ནས་འདས་ཀྱང་།
མདོག་མེད་པའི་གཟེར་ཟུག་གྲིབ་ནག་ལྟར་སྔར་བཞིན་བདག་གི་ལུས་སྟེང་དུ་གནས།
གཟེར་ཟུག་དེ་ནུས་མེད་ཅིག་རེད་འདོད་ཀྱིན་ཡོད་ལ།
ནུས་ཡོད་ཅིག་རེད་ཀྱང་འདོད་དགོས་ཐུག
གཟེར་ཟུག་དེས་ལུ་གུ་རྩེད་ཚུལ་དང་རྟ་རྒོད་རྒྱུགས་ལུགས་དྲན་དུ་འཇུག་པ་ལས།
ཁོ་མོས་རེ་ཞིང་སྒུག་པའི་ཨག་སྐད་དེ་ཐོས་སུ་འཇུག་མི་ཐུབ་པས།
ངའི་སྣང་བའི་ཁམས་འདིའང་མག་མོག་གམ་རབ་རིབ་ཀྱིས་ཡོངས་སུ་སྒྲིབ་ཡོང་།
སྨན་པ་དེ་ཚོས་ཀྱང་ཅི་ཞིག་ཤེས་སམ།
ཟླ་དགུ་ཞག་བཅུ་ཁད་ཀྱིས་འདས་འཕྲལ།
ཁོ་ཚོའང་ཚོད་བགམ་རིང་ལུགས་པ་ཙམ་དུ་ཟད་འགྲོ།
སྐྱེ་ཟུག་གི་དྲགས་ཞན་ནམ་རིང་ཐུང་སྒུག་རྒྱུའི་ཕན་ན།
བཤའ་བཅོས་ཀྱི་ལས་འགུལ་གཅིག་པུ་ལས་གླེང་རྒྱུ་མེད་པས་ན།
ང་ནི་ཕོ་བ་ཕྱེད་གཤག་ཏུ་གཏོང་རྒྱུར་ཧ་ཅང་འཇིགས་པས།
དོན་དམ་པར་ཅི་ཞིག་བྱེད་ན་འགྲིག་པ་སུས་ཀྱང་རྟོགས་མི་ནུས།
དེ་ལྟ་ན།
ཤེས་ཚོར་གྱི་བརྡ་རྟགས་ཞན་པའི་མི་ཕལ་ཆེ་བ་རང་ལམ་རང་བློས་མ་དཔོག་ཚེ།
འདོད་དོན་ཀུན་འགྲུབ་ཀྱི་ལམ་ཁྲིད་པ་ཞིག་མེད་པ་ནམ་ལངས་ཉི་ཤར་རེད་མོད།
སྦྲུམ་མའང་སྦྲུམ་མ་རང་རེད།
ཟླ་ཞག་གི་ཁ་ཆད་ཡོངས་སུ་མཇུག་སྒྲིལ་ཡང་།
ན་ཟུག་གི་ཐག་ཞགས་ལྷོད་དུ་མེད་པ་འདི།
ཁོ་མོ་གཅིག་པུས་མྱོང་བྱ་ཡིན་སྲིད་དམ།
སྦྲུམ་མ་དག་ལ་ངག་མི་སྨྲ་བའི་རང་གཤིས་ཤིག་ཡོད་པ་འདྲ་སྟེ།
ང་ནི་ཉིན་ཞག་འདི་གར་སྨྲ་སྒོ་འགག་གྲབས་བྱེད་ཀྱིན་འདུག
སྐྱེ་ཟུག་ནི་ཕྱི་གཟུགས་ལས་ནང་སེམས་ལ་སྡང་མཁན་ཞིག་གམ།
ཤ་ལྤགས་ཀྱི་ར་བར་བརྒལ་ནས་རུས་པའི་བཅུད་ལ་རྔམ་མཁན་ཞིག་མིན་ནམ།
སྦྲུམ་མ་ནི་སྔར་བཞིན་སྦྲུམ་མ་ཡིན་ལ།
ཁོ་མོའང་ད་དུང་སྦྲུམ་མ་ཡིན་པས།
སྐྱེ་ཟུག་ནི་འཁུན་སྒྲ་སྒྲོག་སྤྱད་ཀྱི་རིགས་བྱེད་ཁྱད་པར་བ་ཞིག་གམ།
དྲན་པ་རྨང་ནས་རྟོལ་བའི་མདོག་མི་མངའ་བ་དེ་རེད་ཨང་།
ཤ་དར་ཁྲག་དར་གྱི་ལང་ཚོ་ཕུན་སུམ་ཚོགས་པ་ཞིག
སྐྱེ་ཟུག་གི་རབ་ཁ་ནས་ཞིག་རལ་དུ་འགྲོ་དགོས་པའང་།
སྦྲུམ་མ་ཚོའི་ཐུན་མོང་གི་བགོ་སྐལ་དུ་སེམས་སོ། །
2021/6/21/ལ་གྲུབ།
--ཁམས་འབྲོང་རྒོད། ཡུལ་ཤུལ།
ཆོས་ཞེས་པ་སེམས་རྒྱུད་འཆོས་བྱེད་དུ། །
མགོན་སངས་རྒྱས་རྣམས་ཀྱིས་གསུངས་པ་རེད། །
ཆོས་རྡོ་ལ་མ་བརྐོ་སེམས་ལ་རྐོས། །
ཆོས་རླུང་ལ་མ་བསྒྲོན་སེམས་ལ་སྒྲོན།།
ཆོས་མེ་ཡིས་མ་བསྐོར་སེམས་ཀྱིས་སྐོར། །
ཆོས་ཆུ་ལ་མ་བསྐུར་སེམས་ལ་སྐུར། །
ཆོས་ས་ལ་མ་སྦྱར་སེམས་ལ་སྦྱོར། །
མགོན་སངས་རྒྱས་ཤཱཀྱ་ཐུབ་པ་ཡིས། །
ཆོས་གསུངས་པ་སེམས་ཅན་སེམས་རྒྱུད་དེ། །
ཡང་དག་པའི་ལམ་དུ་འཁྲིད་བྱེད་ལས། །
ཕྱི་འབྱུང་བཞི་ཆོས་ལ་སྐོར་བྱེད་དུ། །
གསུང་ཚིག་གཅིག་གསུངས་པ་རིག་མྱོང་མེད། །
དུས་དེང་སང་ཆ་རྐྱེན་འདྲ་མིན་དར། །
གནས་ས་རྡོ་རི་བྲག་ལྷ་སྐུས་གང་། །
དེའི་དོན་དུ་འཛིང་རྩོད་དུ་མ་བྱེད། །
དེ་དམ་ཆོས་མ་རེད་རྩོད་ཉོག་རེད། །
ལམ་ཟམ་པ་ལ་མགོ་ཇོ་དར་གང་། །
དེའི་སྟེང་དུ་བརྫིས་སྣོས་འབོག་གསུམ་བྱེད། །
གྲོང་སྲང་མདོ་ཆབ་ཁང་རླུང་རྟས་གང་། །
དེའི་གསེབ་ནས་གཅིན་སྐྱག་དྲི་མ་འཐུལ། །
བོད་ཁ་བའི་ཤི་དགེ་གསོན་རིམ་དུ། །
རས་ཇོ་དར་ལུས་ཚད་ལུས་ཚད་ཟེར། །
དེས་འཁོར་ཡུག་བཙོག་པར་མི་ཚད་པའི།།
ཟོག་རི་དྭགས་མང་པོའི་སྲོག་ལ་རྒོལ། །
བཀའ་བསྟན་འགྱུར་པོ་ཏི་རྡོ་ལ་བརྐོས། །
དབྱངས་གསལ་བྱེད་ཐིག་ཚད་ཅི་ཡང་མེད། །
བྱེའུ་གངས་ནང་སོང་བའི་རྗེས་ཤུལ་འདྲ། །
དེ་རླབས་ཆེན་ཆོས་ཤིག་ཨེ་ཡིན་ནམ། །
མི་རེ་རེའི་ཁ་པར་དྲྭ་ཚོམས་སུ། །
གོས་དམར་སེར་བླ་སྤྲུལ་པར་གྱིས་གང་། །
གཅིག་དད་ཀྱང་གཅིག་ལ་མི་དད་ཟེར། །
དོན་མེད་པའི་ཆགས་སྡང་དེ་ནས་འཕེལ། །
ནང་བཟའ་ཉོབ་དགུང་ཟས་མེད་ན་ཡང་། །
ཆོས་རིམ་གྲོའི་ཡོན་དུ་ཡོད་ཚད་ཕུལ། །
དེར་འབྱོར་ལན་ཡིག་ཤོག་སྟོང་བ་ཙམ། །
གྲངས་ཚང་བའི་དག་འདོན་མི་གདའ་ལོ།།
གཅིག་བཙོང་མཁན་གཅིག་ནི་ཉོ་མཁན་གྱི། །
ཆོས་དེ་འདྲ་ཐུབ་པའི་མ་གསུངས་ཀྱང་། །
སེམས་རྨོངས་དད་ཅན་གྱི་བོད་པ་ཚོས། །
ཆོས་སྒྲུབ་ལུགས་ཨེ་རེད་གཟུར་གནས་ཚོ། །
ཆོས་སྒྲུབ་དུས་སྦྱོར་དངོས་རྗེས་གསུམ་དང་། །
སེམས་ཀུན་སློང་བཅོས་ཚུལ་མི་ཤེས་པར། །
ལམ་ཧོལ་རྒྱུག་གནས་བསྐོར་མཆོད་མཇལ་དེ། །
སྤྲ་སྤྲེའུ་གནས་སྐོར་ཁྲིད་པ་འདྲ། །
སྡིག་མི་དགེ་བཅུ་ལ་འཆོལ་ཉོག་ཏུ། །
དུས་རྒྱུན་དུ་སྤྱོད་པའི་ཁྱིམ་པ་ཚོས། །
འུ་ཐུག་དུས་ང་འདྲའི་དམར་གཟུགས་རེར། །
སྐྱབས་འཆའ་ཚུལ་རིག་དུས་སྙིང་རེ་རྗེ། །
ཕྱི་འཁྲབ་སྟོན་འདྲ་བའི་ཆོས་སྒྲུབ་དེ། །
སུས་སྒྲུབ་ཀྱང་སླ་ལ་ཡག་ཀྱང་ཡག
ནང་བཤད་དང་སྒྲུབ་པའི་ཉམས་ལེན་དེ། །
མི་སུ་ལ་ཐུག་ཀྱང་དཀའ་དཀའ་གདའ། །
རང་ཆོས་པ་མིན་ཡང་ཆོས་ཚུལ་གྱི།།
ཚིག་གྲོང་སྐད་བསྲེས་པའི་འགུར་གླུ་འདི། །
སེམས་དགེ་སྡིག་འདྲེས་པའི་ཉིན་ཞིག་ལ། །
ཆོས་དགེ་སྡིག་བསྲེས་པའི་ཡུལ་ནས་བྲིས། །
རི་སུལ་གྱི་ཁ་བ། （ཨང་གཉིས་པ །）
-- སེའུ།
གང་ཚེ་ཁྱེད་ཉིད་འདུ་འཛུ་རབ་དབེན་ཅིང་།།
རྒྱ་ཕིབས་ངོས་སུ་ཁུ་སིམ་གྱིས་བབས་ཚེ།།
ཁྱེད་རང་རབ་ཏུ་གཡུང་པའི་བྱིས་པ་བཞིན།།
སུ་ལའང་སུན་པོ་མེད་པར་ཅི་དགར་ཆགས།།
ལུང་ཁུག་དང་ནི་རི་སྒང་གང་ས་ནས།།
ཁྱེད་ཀྱིས་གྲང་བའི་སྤུ་གྲིའི་ངར་ཁ་ལྡུད།།
ཁོད་ཡངས་དགུ་ཚིགས་མཚམས་སུ་མག་མོག་གི།།
ཟླ་འོད་དེ་ཡིས་ཟུར་མིག་གཡོ་སྟངས་ལས།།
ཁྱེད་ཁྱི་མཛེས་པའི་ལོ་མ་རེ་རེ་འང་།།
མཚན་དགུང་ནམ་མཁའི་དཀྱིལ་གྱི་གར་མ་ཡིན།།
ཉི་ཟེར་གསེར་ཏོག་ཕོག་ཚེ་ཁོར་ཡུག་ཀུན།།
ཁྱེད་ཀྱིས་མེས་པོ་དག་གི་རྣམ་ཤེས་ཀྱང་།།
ཨ་ཤེ་བཞིན་དུ་ཁ་བ་རི་བོ་རུ།།
སྐྱེས་སུ་མཆོད་དོ་ཨ་ཧོ་ཡིད་དུ་འོང་།།
སྦྲུམ་མ། （ཨང་གསུམ་པ།）
--- མཛངས་འཛུམ། (ཛམ་ཐང)
སྐྲ་ཡི་ཉག་མ་རེ་རེའམ།
ནུ་ཏོག་དང་མཁུར་ཚོས་ཀྱིས་སྣང་བ་སྦྲིད་པའི་གླགས་དེར།
ངག་མི་སྨྲ་བའི་ཚེ་སྲོག་ཅིག
ཤ་རུས་ཀྱི་སྒྲོམ་དུ་འཛུལ་འགོ་བརྩམས་པས།
ཡིད་ཀྱི་གཏིང་རིམ་གཏིང་རིམ་ནས།
ངལ་དུབ་ཀྱི་རླུང་རྒྱུ་ཞིང་ཐང་ཆད་པའི་སྨུག་པ་འཐིབས།
མགོ་ན་ཞེན་ལོག་གིས་ཉིན་ཞག་གྲངས་མེད་རྫོགས།
དེ་ནི་གཏམ་རྒྱུད་ཅིག་གི་འགོ་མཇུག་རེད་བཞག
སྐྱེ་ཟུག་རྒྱུག་ཐེངས་རེར།
ཟླ་མཚན་ལས་མོད་པའི་རྔུལ་ཆུ་བཞུར་ཡོང་།
རྔུལ་ཆུའི་རླངས་པར་འཁོར་བའི་སྦྲང་ནག་དེ་ག
ནང་སེམས་ཀྱི་ཟབ་ས་ནས་བྲོས་པའི་རེ་ཆགས་ཁོ་ན་ཉིད།
ཟུག་གཟེར་ལ་མཐའ་མི་འདུག་ཨང་།
དྲན་འཆར་གྱི་སྒོ་མོ་ཆེ་རུ་ཕྱེས་ཀྱང་།
ངས་ཨག་སྐད་ཅིག་ལ་རེ་སྒུག་བྱེད་རྒྱུ་ལས་ཐབས་གཞན་མ་རྙེད།
ད་ནི་ཉིན་ཞག་བཅུ་གསུམ་སོར་རྩེར་བགྲངས་ནས་འདས་ཀྱང་།
མདོག་མེད་པའི་གཟེར་ཟུག་གྲིབ་ནག་ལྟར་སྔར་བཞིན་བདག་གི་ལུས་སྟེང་དུ་གནས།
གཟེར་ཟུག་དེ་ནུས་མེད་ཅིག་རེད་འདོད་ཀྱིན་ཡོད་ལ།
ནུས་ཡོད་ཅིག་རེད་ཀྱང་འདོད་དགོས་ཐུག
གཟེར་ཟུག་དེས་ལུ་གུ་རྩེད་ཚུལ་དང་རྟ་རྒོད་རྒྱུགས་ལུགས་དྲན་དུ་འཇུག་པ་ལས།
ཁོ་མོས་རེ་ཞིང་སྒུག་པའི་ཨག་སྐད་དེ་ཐོས་སུ་འཇུག་མི་ཐུབ་པས།
ངའི་སྣང་བའི་ཁམས་འདིའང་མག་མོག་གམ་རབ་རིབ་ཀྱིས་ཡོངས་སུ་སྒྲིབ་ཡོང་།
སྨན་པ་དེ་ཚོས་ཀྱང་ཅི་ཞིག་ཤེས་སམ།
ཟླ་དགུ་ཞག་བཅུ་ཁད་ཀྱིས་འདས་འཕྲལ།
ཁོ་ཚོའང་ཚོད་བགམ་རིང་ལུགས་པ་ཙམ་དུ་ཟད་འགྲོ།
སྐྱེ་ཟུག་གི་དྲགས་ཞན་ནམ་རིང་ཐུང་སྒུག་རྒྱུའི་ཕན་ན།
བཤའ་བཅོས་ཀྱི་ལས་འགུལ་གཅིག་པུ་ལས་གླེང་རྒྱུ་མེད་པས་ན།
ང་ནི་ཕོ་བ་ཕྱེད་གཤག་ཏུ་གཏོང་རྒྱུར་ཧ་ཅང་འཇིགས་པས།
དོན་དམ་པར་ཅི་ཞིག་བྱེད་ན་འགྲིག་པ་སུས་ཀྱང་རྟོགས་མི་ནུས།
དེ་ལྟ་ན།
ཤེས་ཚོར་གྱི་བརྡ་རྟགས་ཞན་པའི་མི་ཕལ་ཆེ་བ་རང་ལམ་རང་བློས་མ་དཔོག་ཚེ།
འདོད་དོན་ཀུན་འགྲུབ་ཀྱི་ལམ་ཁྲིད་པ་ཞིག་མེད་པ་ནམ་ལངས་ཉི་ཤར་རེད་མོད།
སྦྲུམ་མའང་སྦྲུམ་མ་རང་རེད།
ཟླ་ཞག་གི་ཁ་ཆད་ཡོངས་སུ་མཇུག་སྒྲིལ་ཡང་།
ན་ཟུག་གི་ཐག་ཞགས་ལྷོད་དུ་མེད་པ་འདི།
ཁོ་མོ་གཅིག་པུས་མྱོང་བྱ་ཡིན་སྲིད་དམ།
སྦྲུམ་མ་དག་ལ་ངག་མི་སྨྲ་བའི་རང་གཤིས་ཤིག་ཡོད་པ་འདྲ་སྟེ།
ང་ནི་ཉིན་ཞག་འདི་གར་སྨྲ་སྒོ་འགག་གྲབས་བྱེད་ཀྱིན་འདུག
སྐྱེ་ཟུག་ནི་ཕྱི་གཟུགས་ལས་ནང་སེམས་ལ་སྡང་མཁན་ཞིག་གམ།
ཤ་ལྤགས་ཀྱི་ར་བར་བརྒལ་ནས་རུས་པའི་བཅུད་ལ་རྔམ་མཁན་ཞིག་མིན་ནམ།
སྦྲུམ་མ་ནི་སྔར་བཞིན་སྦྲུམ་མ་ཡིན་ལ།
ཁོ་མོའང་ད་དུང་སྦྲུམ་མ་ཡིན་པས།
སྐྱེ་ཟུག་ནི་འཁུན་སྒྲ་སྒྲོག་སྤྱད་ཀྱི་རིགས་བྱེད་ཁྱད་པར་བ་ཞིག་གམ།
དྲན་པ་རྨང་ནས་རྟོལ་བའི་མདོག་མི་མངའ་བ་དེ་རེད་ཨང་།
ཤ་དར་ཁྲག་དར་གྱི་ལང་ཚོ་ཕུན་སུམ་ཚོགས་པ་ཞིག
སྐྱེ་ཟུག་གི་རབ་ཁ་ནས་ཞིག་རལ་དུ་འགྲོ་དགོས་པའང་།
སྦྲུམ་མ་ཚོའི་ཐུན་མོང་གི་བགོ་སྐལ་དུ་སེམས་སོ། །
2021/6/21/ལ་གྲུབ།
