----- བུའི་སྐྱེས་སྐར་ལ་བྲིས།
༡
ནམ་མཁའ་སྔོན་པོ།
སྤྲིན་པ་དཀར་པོ།
སྤང་ལྗོངས་དང་གངས་རི།
ཁྱོད་ཀྱིས་ཐ་སྙད་འདི་ཚོ་བཀླག་མ་ཤེས་གོང་ནས།
ཨ་ཕས་ཁྱོད་ལ་ཕ་ཡུལ་ཞེས་པའི་ཉེ་མ་འགྱང་གི་ཐ་སྙད་དེ་སྦྱར་ཏེ།
ཞེན་ཆགས་ཀྱི་སྐད་ཆ་མང་པོ་ཞིག་བཤད་སྲིད།
ཨ་ཕ་ནི་སྒེར་སེམས་ཅན་ཞིག་ཡིན་པས།
ཁྱོད་ཀྱིས་ཕ་ཡུལ་ལ་དུང་དགོས་ལུགས།
ཕ་ཡུལ་གྱི་འཚོ་བ་ནི་ཆེས་སྐྱིད་ཤོས་དེ་རེད་བརྗོད་སྲིད།
ཁྱེད་ཀྱིས་ཅི་ནས་ཀྱང་ཨ་ཕའི་སྐད་ཆ་ལ་བཟོད་བསྲན་གནང་རོགས།
༢
རྟ་ཕོའི་འཚེར་སྐད།
འབྲི་མོའི་ངུར་སྒྲ།
ལྷས་ར་དང་རྩྭ་ཐང་།
ཁྱོད་ཀྱིས་ཡིག་འབྲུ་འདི་ཚོ་བྲི་མ་ཤེས་གོང་ནས།
ཨ་ཕས་ཁྱོད་ལ་ཕ་ས་ཞེས་པའི་རིང་མ་ཐུང་མིང་ཚོགས་དེ་སྦྱར་ཏེ།
ཕྱོགས་ལྷུང་གི་སྐད་ཆ་མང་པོ་ཞིག་བཤད་ངེས།
ཨ་ཕ་ནི་ཕྱོགས་རིས་ཅན་ཞིག་ཡིན་པས།
ཁྱོད་ཀྱིས་ཕ་ཡུལ་ཆེད་དུ་སྟོང་བསམ་མང་པོ་གཏང་དགོས་གཏམ།
ཕ་ཡུལ་གྱི་རིག་གནས་ནི་ཆེས་གཟེངས་སུ་ཐོན་པ་ཞིག་རེད་ཀྱང་བཤད་སྲིད།
ཁྱོད་ཀྱིས་ཅི་ནས་ཀྱང་ཨ་ཕའི་སྒེར་སེམས་ལ་བསམ་གཞིག་བྱེད་རོགས།
༣
གསལ་བྱེད་སུམ་ཅུ།
དབྱངས་ཡིག་བཞི་པོ།
ལེགས་བཤད་དང་རྣམ་ཐར།
ཁྱོད་རང་སློབ་གྲྭའི་སྒོ་ཐེམ་ན་གོམ་པ་མ་སྤོས་གོང་ནས།
ཨ་ཕས་ཁྱོད་ལ་ཕ་སྐད་ཅེས་པའི་མིང་བརྡ་ཉེ་མ་འགྱང་དེ་སྦྱར་ནས།
བསམ་ཚོད་ཀྱི་སྐད་ཆ་མང་པོ་བཤད་སྲིད།
ཨ་ཕ་ནི་ཕ་སྐད་ཀྱིས་ལྟོ་གོས་སྟེར་བ་ཞིག་ཡིན་པས།
ཁྱོད་ཀྱིས་ཕ་སྐད་མ་ཡིག་ལ་འབད་འབུངས་བྱ་དགོས་གཏམ།
ང་ཚོའི་ཕ་སྐད་ནི་སྐད་ཡིག་ཡང་རྩེ་རེད་ཅེས་བཤད་སྲིད
ཁྱེད་ཀྱིས་ཅི་ནས་ཀྱང་ཨ་ཕའི་རང་འདོད་མནོ་བསམ་གཏོང་རོགས
2021/7/17དགོང་མར་ཀོང་པོ་ནས་བྲིས།
༡
ནམ་མཁའ་སྔོན་པོ།
སྤྲིན་པ་དཀར་པོ།
སྤང་ལྗོངས་དང་གངས་རི།
ཁྱོད་ཀྱིས་ཐ་སྙད་འདི་ཚོ་བཀླག་མ་ཤེས་གོང་ནས།
ཨ་ཕས་ཁྱོད་ལ་ཕ་ཡུལ་ཞེས་པའི་ཉེ་མ་འགྱང་གི་ཐ་སྙད་དེ་སྦྱར་ཏེ།
ཞེན་ཆགས་ཀྱི་སྐད་ཆ་མང་པོ་ཞིག་བཤད་སྲིད།
ཨ་ཕ་ནི་སྒེར་སེམས་ཅན་ཞིག་ཡིན་པས།
ཁྱོད་ཀྱིས་ཕ་ཡུལ་ལ་དུང་དགོས་ལུགས།
ཕ་ཡུལ་གྱི་འཚོ་བ་ནི་ཆེས་སྐྱིད་ཤོས་དེ་རེད་བརྗོད་སྲིད།
ཁྱེད་ཀྱིས་ཅི་ནས་ཀྱང་ཨ་ཕའི་སྐད་ཆ་ལ་བཟོད་བསྲན་གནང་རོགས།
༢
རྟ་ཕོའི་འཚེར་སྐད།
འབྲི་མོའི་ངུར་སྒྲ།
ལྷས་ར་དང་རྩྭ་ཐང་།
ཁྱོད་ཀྱིས་ཡིག་འབྲུ་འདི་ཚོ་བྲི་མ་ཤེས་གོང་ནས།
ཨ་ཕས་ཁྱོད་ལ་ཕ་ས་ཞེས་པའི་རིང་མ་ཐུང་མིང་ཚོགས་དེ་སྦྱར་ཏེ།
ཕྱོགས་ལྷུང་གི་སྐད་ཆ་མང་པོ་ཞིག་བཤད་ངེས།
ཨ་ཕ་ནི་ཕྱོགས་རིས་ཅན་ཞིག་ཡིན་པས།
ཁྱོད་ཀྱིས་ཕ་ཡུལ་ཆེད་དུ་སྟོང་བསམ་མང་པོ་གཏང་དགོས་གཏམ།
ཕ་ཡུལ་གྱི་རིག་གནས་ནི་ཆེས་གཟེངས་སུ་ཐོན་པ་ཞིག་རེད་ཀྱང་བཤད་སྲིད།
ཁྱོད་ཀྱིས་ཅི་ནས་ཀྱང་ཨ་ཕའི་སྒེར་སེམས་ལ་བསམ་གཞིག་བྱེད་རོགས།
༣
གསལ་བྱེད་སུམ་ཅུ།
དབྱངས་ཡིག་བཞི་པོ།
ལེགས་བཤད་དང་རྣམ་ཐར།
ཁྱོད་རང་སློབ་གྲྭའི་སྒོ་ཐེམ་ན་གོམ་པ་མ་སྤོས་གོང་ནས།
ཨ་ཕས་ཁྱོད་ལ་ཕ་སྐད་ཅེས་པའི་མིང་བརྡ་ཉེ་མ་འགྱང་དེ་སྦྱར་ནས།
བསམ་ཚོད་ཀྱི་སྐད་ཆ་མང་པོ་བཤད་སྲིད།
ཨ་ཕ་ནི་ཕ་སྐད་ཀྱིས་ལྟོ་གོས་སྟེར་བ་ཞིག་ཡིན་པས།
ཁྱོད་ཀྱིས་ཕ་སྐད་མ་ཡིག་ལ་འབད་འབུངས་བྱ་དགོས་གཏམ།
ང་ཚོའི་ཕ་སྐད་ནི་སྐད་ཡིག་ཡང་རྩེ་རེད་ཅེས་བཤད་སྲིད
ཁྱེད་ཀྱིས་ཅི་ནས་ཀྱང་ཨ་ཕའི་རང་འདོད་མནོ་བསམ་གཏོང་རོགས
2021/7/17དགོང་མར་ཀོང་པོ་ནས་བྲིས།
