ང་དང་ནམ་མཁའི་ཟླ་བ། །
རྒྱས་མེད་དགུ་ཚིགས་འོག་ཏུ། །
སུ་དང་གང་གིས་མི་ཤེས། །
སེམས་སོང་གྲོགས་ཤིག་བསྒུག་ཡོད། །
ཡིད་འོང་དབེན་པའི་རི་གྲོང་། །
མུན་པའི་བླ་གོས་ཤམ་ཤམ། །
ལས་དབང་རླུང་བུས་འཁོར་ཕྱོགས། །
སྐྱོ་མོས་ཤུགས་གླུ་ཤིར་ཤིར། །
སྔོ་ལྗང་པད་མས་ཚོགས་ཀྱི། །
གྲོགས་མེད་ཁོ་བོ་མཐོང་ཚེ། །
འདབ་བརྒྱ་མ་ལུས་ཟུམ་སོང་། །
གདུང་བའི་ཟིལ་བ་ཁྲོམ་ཁྲོམ། །
དོ་ནུབ་ཆུ་ཕྲན་ལྗོངས་སུ། །
རི་སྐྱེས་རྩི་ཤིང་མ་གཏོགས། །
ལྷིང་འཇགས་རྨི་ལམ་ཞིང་ལ། །
སྒྱུ་མས་ཟློས་གར་འཁྲབ་པ། །
སྤྲིན་པ་ལྷོ་རུ་སྐྱོམ་པའི་ཉིན་སྲིབ་ན། །
རི་བོ་བསིལ་གྲིབ་ལྗོན་པའི་དགའ་ཚལ་ན། །
བདག་ཡིད་བྱེའུ་ཆུང་འཁོར་སའི་འབབ་སྟེགས་ཤིག །
གྲོགས་མེད་སྙིང་སྡུག་ཟླ་བ་ཀེམ་ཀེམ་འཛུམ། །
སྤྲིན་པས་སྤྲིན་པ་བསྐུངས་པའི་འདབས་རོལ་ན། །
སྐར་མས་སྐར་མ་དེད་པའི་སོ་མཚམས་སུ། །
སྙིང་གི་དཀྱིལ་ལ་འཚེར་བའི་ཡིད་གཅུགས་ལྷ། །
དོ་ནུབ་རྨི་ལམ་ངོགས་ཀྱི་ཟླ་བ་ཉིད། །
རྒྱང་རིང་རྒྱང་རིང་གཙང་པོའི་གྲུ་ག་ན། །
མི་ཚོགས་ཤིག་ཤིག་ཆར་བ་ཟིམ་ཟིམ་འབབ། །
ཁོ་བོས་ཕྱི་མིག་ཆུ་མོའི་གཞུང་ལ་བལྟས། །
འཚོ་བའི་ཕྱི་ནང་བར་ནས་སྙན་ངག་བྲིས། །
སྒེའུ་ཁུང་འཁྲིས་སུ་ཟླ་བའི་ཕྱི་མིག་འཕེན། །
ཆང་ཕོར་ཁར་ལ་བརྩེ་བའི་མེ་ཏོག་འཁྲུངས། །
ལས་ཀྱི་སྨོན་ལམ་རྡེབ་པའི་མེ་ལོང་ངོས། །
དྲི་མེད་ཁ་བའི་མེ་ཏོག་ཡང་ཡང་འཛུམ། །
༢༠༢༢/༧/༡༥ འཇག་སྐྱ་བོ། མཚོ་སྔོན།
རྒྱས་མེད་དགུ་ཚིགས་འོག་ཏུ། །
སུ་དང་གང་གིས་མི་ཤེས། །
སེམས་སོང་གྲོགས་ཤིག་བསྒུག་ཡོད། །
ཡིད་འོང་དབེན་པའི་རི་གྲོང་། །
མུན་པའི་བླ་གོས་ཤམ་ཤམ། །
ལས་དབང་རླུང་བུས་འཁོར་ཕྱོགས། །
སྐྱོ་མོས་ཤུགས་གླུ་ཤིར་ཤིར། །
སྔོ་ལྗང་པད་མས་ཚོགས་ཀྱི། །
གྲོགས་མེད་ཁོ་བོ་མཐོང་ཚེ། །
འདབ་བརྒྱ་མ་ལུས་ཟུམ་སོང་། །
གདུང་བའི་ཟིལ་བ་ཁྲོམ་ཁྲོམ། །
དོ་ནུབ་ཆུ་ཕྲན་ལྗོངས་སུ། །
རི་སྐྱེས་རྩི་ཤིང་མ་གཏོགས། །
ལྷིང་འཇགས་རྨི་ལམ་ཞིང་ལ། །
སྒྱུ་མས་ཟློས་གར་འཁྲབ་པ། །
སྤྲིན་པ་ལྷོ་རུ་སྐྱོམ་པའི་ཉིན་སྲིབ་ན། །
རི་བོ་བསིལ་གྲིབ་ལྗོན་པའི་དགའ་ཚལ་ན། །
བདག་ཡིད་བྱེའུ་ཆུང་འཁོར་སའི་འབབ་སྟེགས་ཤིག །
གྲོགས་མེད་སྙིང་སྡུག་ཟླ་བ་ཀེམ་ཀེམ་འཛུམ། །
སྤྲིན་པས་སྤྲིན་པ་བསྐུངས་པའི་འདབས་རོལ་ན། །
སྐར་མས་སྐར་མ་དེད་པའི་སོ་མཚམས་སུ། །
སྙིང་གི་དཀྱིལ་ལ་འཚེར་བའི་ཡིད་གཅུགས་ལྷ། །
དོ་ནུབ་རྨི་ལམ་ངོགས་ཀྱི་ཟླ་བ་ཉིད། །
རྒྱང་རིང་རྒྱང་རིང་གཙང་པོའི་གྲུ་ག་ན། །
མི་ཚོགས་ཤིག་ཤིག་ཆར་བ་ཟིམ་ཟིམ་འབབ། །
ཁོ་བོས་ཕྱི་མིག་ཆུ་མོའི་གཞུང་ལ་བལྟས། །
འཚོ་བའི་ཕྱི་ནང་བར་ནས་སྙན་ངག་བྲིས། །
སྒེའུ་ཁུང་འཁྲིས་སུ་ཟླ་བའི་ཕྱི་མིག་འཕེན། །
ཆང་ཕོར་ཁར་ལ་བརྩེ་བའི་མེ་ཏོག་འཁྲུངས། །
ལས་ཀྱི་སྨོན་ལམ་རྡེབ་པའི་མེ་ལོང་ངོས། །
དྲི་མེད་ཁ་བའི་མེ་ཏོག་ཡང་ཡང་འཛུམ། །
༢༠༢༢/༧/༡༥ འཇག་སྐྱ་བོ། མཚོ་སྔོན།
