སྣང་བ་དགའ་ལོ་འཁྲུལ་བའི་སྟོན་ཟླ་དེར།།
ཆགས་སྡང་ལུས་ལ་འཐིབ་པའི་སྐྱེད་ཚལ་ནས།།
སྐྱིད་སྡུག་རིང་ཐུང་མི་ཚེའི་མགོ་འཇུག་འགྲིམ།།
མི་ཚེ་འཁོར་གི་འཁོར་གི་འཁོར་བ་འགྲིམ།།
མེ་ཏོག་སྙིམ་པ་གང་གིས་ངེས་བྱུག་གིས།།
བུང་བ་ཁྲེལ་མེད་རེ་ཡང་རྒྱང་དུ་བཀྱེད།།
མ་བརྟག་ངེས་འཕྲུལ་རེ་ཡང་བྱུང་བ་ན།།
ཁྲེལ་ལན་མྱུ་གུ་གསར་བ་སྙིགས་མར་འགྲིམ།།
རླུང་བུ་གྱ་གྱས་སྡོང་མགོའི་ལོ་མ་གཏོར།།
ན་སོ་ཡོལ་བས་རི་རྩེའི་སྙེ་མ་སེར།།
ངང་བ་འགྲོ་གྲབས་སྟོན་གྱི་སྤྲིན་ལ་བལྟ།།
ལ་ཁའི་ན་བུན་སླར་ཡང་རི་ཁུད་འདྲེས།།
ཁ་བས་མནན་པའི་གླང་མའི་མགོ་ལྕོག་མདུད།།
བྱིས་ཁྱུ་འཕུར་བའི་ཉིན་སྲིབ་སྨྲ་བ་ཆད།།
སྨུག་པ་གནམ་སར་འཐིབ་པའི་རི་ཁུད་ན།།
ཤ་བ་ཡུ་མོ་རེ་ཡིས་སྙིང་རྩ་འགུལ།།
སྟོན་རླུང་ཤམ་ཤུམ་ལྡང་བའི་མིག་ཟུང་དེར།།
ས་བཞི་སེར་ཐིག་ལྷུང་བའི་ཁུ་བྱུག་བྲེལ།།
སེམས་པའི་བགས་ཆག་བར་ནས་ལང་ཚོ་ཡལ།།
སེམས་ཀྱི་འཇིག་རྟེན་བསྐྲུན་པའི་མི་དེ་སྒུག།
2022/11/14
ཆགས་སྡང་ལུས་ལ་འཐིབ་པའི་སྐྱེད་ཚལ་ནས།།
སྐྱིད་སྡུག་རིང་ཐུང་མི་ཚེའི་མགོ་འཇུག་འགྲིམ།།
མི་ཚེ་འཁོར་གི་འཁོར་གི་འཁོར་བ་འགྲིམ།།
མེ་ཏོག་སྙིམ་པ་གང་གིས་ངེས་བྱུག་གིས།།
བུང་བ་ཁྲེལ་མེད་རེ་ཡང་རྒྱང་དུ་བཀྱེད།།
མ་བརྟག་ངེས་འཕྲུལ་རེ་ཡང་བྱུང་བ་ན།།
ཁྲེལ་ལན་མྱུ་གུ་གསར་བ་སྙིགས་མར་འགྲིམ།།
རླུང་བུ་གྱ་གྱས་སྡོང་མགོའི་ལོ་མ་གཏོར།།
ན་སོ་ཡོལ་བས་རི་རྩེའི་སྙེ་མ་སེར།།
ངང་བ་འགྲོ་གྲབས་སྟོན་གྱི་སྤྲིན་ལ་བལྟ།།
ལ་ཁའི་ན་བུན་སླར་ཡང་རི་ཁུད་འདྲེས།།
ཁ་བས་མནན་པའི་གླང་མའི་མགོ་ལྕོག་མདུད།།
བྱིས་ཁྱུ་འཕུར་བའི་ཉིན་སྲིབ་སྨྲ་བ་ཆད།།
སྨུག་པ་གནམ་སར་འཐིབ་པའི་རི་ཁུད་ན།།
ཤ་བ་ཡུ་མོ་རེ་ཡིས་སྙིང་རྩ་འགུལ།།
སྟོན་རླུང་ཤམ་ཤུམ་ལྡང་བའི་མིག་ཟུང་དེར།།
ས་བཞི་སེར་ཐིག་ལྷུང་བའི་ཁུ་བྱུག་བྲེལ།།
སེམས་པའི་བགས་ཆག་བར་ནས་ལང་ཚོ་ཡལ།།
སེམས་ཀྱི་འཇིག་རྟེན་བསྐྲུན་པའི་མི་དེ་སྒུག།
2022/11/14
