དགུན་ཟླ་འབོད་ཀྱིན།
ཁྲུང་ཁྲུང་ཁྱུ་གཅིག་གི་གཤོག་པའི་སྣེ་རུ།
ང་ཡིས་ཁྱོད་ལ་འཕྲིན་ཡིག་དུ་མ་བསྐུར་ཡོད།
སྙིང་ཉེ་བའི་ཚིག་འབྲུ་འདི་དག་རང་ཁྱིམ་གྱི་སྐར་ཁུང་ཡིན།
མཚོ་འགྲམ་དུ།
ས་སྲོད་ཀྱི་ལྭ་བ་གོན་པའི་ཡུ་མོ་གཅིག
སོས་དལ་ངང་ཉི་ནུབ་ཀྱི་འཇིག་རྟེན་དུ་རྒ་འགྲོ་འདུག
ཟླ་འོད་བཞིན་འཛུམ་གྱིན་པའི་སོ་འཕྲེང་དག
གྱེས་བྲལ་གྱི་ཕྱིར་མིག་ལ་དྲན་གདུང་གི་རྨ་ཁ་བཟོས།
རི་བོའི་ཕ་རོལ་དུ།
སྤྲིན་དཀར་གྱིས་ལྷན་པ་བརྒྱབ་པའི་གྲོང་ཚོ་ཆུང་ཆུང་ཞིག
ཆུ་མོའི་གཞུང་དུ། མཚེར་ཤུལ་དུ།
ང་ཡི་བྱིས་དུས་ཀྱི་རྣམ་ཤེས་ཀྱི་བསྐྱང་ཡོད།
ཀླུང་དར་ལྷུབ་ཀྱིས་གཡོ་བའི་ཉག་ག་དེ་རུ།
དུས་ཚོད་ཀྱིས་ཤུལ་དུ་བལྡགས་པའི།
ལྷིང་འཇགས་ཀྱི་རྐང་ལམ་ཕྲ་མོ་དེ།
ང་ཡི་སྒལ་ཚིགས་སུ་ཟུག་པའི་རུས་པ་སྲབ་མོ་ཞིག་གམ།
ཚེ་སྲོག་གི་མདུད་པ་རྒྱག་སའི་ཟུགས་ཁྲག་དྲོན་མོ་ཞིག
བྲག་ངོས་སུ་ཐུར་གྱིས་བབས་པའི་རྒོད་པོ་གཅིག་གིས།
གཉིད་ལས་སད་པའི་ཞོགས་པ་ཞིག་ལ།
ང་ལ་ཡུལ་གྱར་གྱི་སྐྱོ་གླུ་བླངས་བྱུང་།
རྒྱང་རིང་ནས་ཉན་ན། རི་ཆུ་ནགས་གསུམ་གྱི་ཚོར་བ་རབ་རིབ་ཅིག
གྲང་རླུང་གིས་ང་ལ་སྙིང་གཏམ་བསྐྱལ། སེམས་པ་བརླན།
ལོ་རྒྱུས་ཀྱི་ས་མིག་སྟོང་བ་ཞིག་ཏུ།
ཁྱོད་ཀྱིས་ང་ལ་ལྡེ་མིག་ཅིག་གསོལ་རས་གནང་བྱུང་།
སྒོ་ཟྭ་རྙིང་པ་དེའི་རྒྱབ་ཏུ་གཡིབ་པའི།
གྲོང་ཚོ་འདིའི་འདས་མ་ད་གསུམ།
ཉིན་མོ་དེ་ནས་བཟུང་། ངས་རྟག་ཏུ་ཞིབ་ཉུལ་བྱེད་ཀྱིན་ཡོད།
མཁར་གྱང་གི་འགྲམ་དུ།
ང་ཡིས་སེམས་པ་མནན་ནས་མནོ་བསམ་བཏང་དུས།
གྲམ་ཁའི་ཕ་བོང་ཆེན་པོ་ཞིག་གི་སྟེང་དུ།
བྱིས་པ་རེ་ཟུང་ཉི་མ་ལྡེ་ནས་བསྡད་འདུག
ཆུ་མོ་ཤག་ཤག་ཏུ་རྒྱུགས་ལ་ཉི་འོད་ལམ་ལམ་དུ་དྲོ།
རི་བོའི་ཕ་རོལ་གྱི་ཕ་རོལ་ཞིག་ཏུ།
གཙང་པོའི་ཚུར་རོལ་གྱི་ཟླ་བ་ལྷུང་འདུག
གཙང་པོའི་ཚུར་རོལ་གྱི་ཚུར་རོལ་དེ་རུ།
རི་བོའི་ཕ་རོལ་གྱི་ཉི་མ་ཟགས་འདུག
ཉི་ཟླའི་བརྒལ་མཚམས་སུ་ཆོད་པའི་གྲོང་ཚོ་ཆུང་ཆུང་།
རྐང་པ་སྤོ་ས་ལག་པས་རྙེད་པའི་གནའ་མི་དག་གི་འཁོར་གཞིས་རེད།
རི་བོའི་ཕ་རོལ་དུ།
སྤྲིན་དཀར་ལྷ་མོའི་གར་སྟེགས་ཡོད་ལ།
རླུང་གི་ཕོ་བྲང་གི་གསོལ་སྟོན་ཡོད།
རི་བོའི་ཕ་རོལ་དུ། ང་ཡི་འཚར་ལོངས་དང་ཁྱོད་ཀྱི་གཏམ་རྒྱུད་ཡོད།
༢༠༢༢/༡༡/༢༢ཉིན།
ཁྲུང་ཁྲུང་ཁྱུ་གཅིག་གི་གཤོག་པའི་སྣེ་རུ།
ང་ཡིས་ཁྱོད་ལ་འཕྲིན་ཡིག་དུ་མ་བསྐུར་ཡོད།
སྙིང་ཉེ་བའི་ཚིག་འབྲུ་འདི་དག་རང་ཁྱིམ་གྱི་སྐར་ཁུང་ཡིན།
མཚོ་འགྲམ་དུ།
ས་སྲོད་ཀྱི་ལྭ་བ་གོན་པའི་ཡུ་མོ་གཅིག
སོས་དལ་ངང་ཉི་ནུབ་ཀྱི་འཇིག་རྟེན་དུ་རྒ་འགྲོ་འདུག
ཟླ་འོད་བཞིན་འཛུམ་གྱིན་པའི་སོ་འཕྲེང་དག
གྱེས་བྲལ་གྱི་ཕྱིར་མིག་ལ་དྲན་གདུང་གི་རྨ་ཁ་བཟོས།
རི་བོའི་ཕ་རོལ་དུ།
སྤྲིན་དཀར་གྱིས་ལྷན་པ་བརྒྱབ་པའི་གྲོང་ཚོ་ཆུང་ཆུང་ཞིག
ཆུ་མོའི་གཞུང་དུ། མཚེར་ཤུལ་དུ།
ང་ཡི་བྱིས་དུས་ཀྱི་རྣམ་ཤེས་ཀྱི་བསྐྱང་ཡོད།
ཀླུང་དར་ལྷུབ་ཀྱིས་གཡོ་བའི་ཉག་ག་དེ་རུ།
དུས་ཚོད་ཀྱིས་ཤུལ་དུ་བལྡགས་པའི།
ལྷིང་འཇགས་ཀྱི་རྐང་ལམ་ཕྲ་མོ་དེ།
ང་ཡི་སྒལ་ཚིགས་སུ་ཟུག་པའི་རུས་པ་སྲབ་མོ་ཞིག་གམ།
ཚེ་སྲོག་གི་མདུད་པ་རྒྱག་སའི་ཟུགས་ཁྲག་དྲོན་མོ་ཞིག
བྲག་ངོས་སུ་ཐུར་གྱིས་བབས་པའི་རྒོད་པོ་གཅིག་གིས།
གཉིད་ལས་སད་པའི་ཞོགས་པ་ཞིག་ལ།
ང་ལ་ཡུལ་གྱར་གྱི་སྐྱོ་གླུ་བླངས་བྱུང་།
རྒྱང་རིང་ནས་ཉན་ན། རི་ཆུ་ནགས་གསུམ་གྱི་ཚོར་བ་རབ་རིབ་ཅིག
གྲང་རླུང་གིས་ང་ལ་སྙིང་གཏམ་བསྐྱལ། སེམས་པ་བརླན།
ལོ་རྒྱུས་ཀྱི་ས་མིག་སྟོང་བ་ཞིག་ཏུ།
ཁྱོད་ཀྱིས་ང་ལ་ལྡེ་མིག་ཅིག་གསོལ་རས་གནང་བྱུང་།
སྒོ་ཟྭ་རྙིང་པ་དེའི་རྒྱབ་ཏུ་གཡིབ་པའི།
གྲོང་ཚོ་འདིའི་འདས་མ་ད་གསུམ།
ཉིན་མོ་དེ་ནས་བཟུང་། ངས་རྟག་ཏུ་ཞིབ་ཉུལ་བྱེད་ཀྱིན་ཡོད།
མཁར་གྱང་གི་འགྲམ་དུ།
ང་ཡིས་སེམས་པ་མནན་ནས་མནོ་བསམ་བཏང་དུས།
གྲམ་ཁའི་ཕ་བོང་ཆེན་པོ་ཞིག་གི་སྟེང་དུ།
བྱིས་པ་རེ་ཟུང་ཉི་མ་ལྡེ་ནས་བསྡད་འདུག
ཆུ་མོ་ཤག་ཤག་ཏུ་རྒྱུགས་ལ་ཉི་འོད་ལམ་ལམ་དུ་དྲོ།
རི་བོའི་ཕ་རོལ་གྱི་ཕ་རོལ་ཞིག་ཏུ།
གཙང་པོའི་ཚུར་རོལ་གྱི་ཟླ་བ་ལྷུང་འདུག
གཙང་པོའི་ཚུར་རོལ་གྱི་ཚུར་རོལ་དེ་རུ།
རི་བོའི་ཕ་རོལ་གྱི་ཉི་མ་ཟགས་འདུག
ཉི་ཟླའི་བརྒལ་མཚམས་སུ་ཆོད་པའི་གྲོང་ཚོ་ཆུང་ཆུང་།
རྐང་པ་སྤོ་ས་ལག་པས་རྙེད་པའི་གནའ་མི་དག་གི་འཁོར་གཞིས་རེད།
རི་བོའི་ཕ་རོལ་དུ།
སྤྲིན་དཀར་ལྷ་མོའི་གར་སྟེགས་ཡོད་ལ།
རླུང་གི་ཕོ་བྲང་གི་གསོལ་སྟོན་ཡོད།
རི་བོའི་ཕ་རོལ་དུ། ང་ཡི་འཚར་ལོངས་དང་ཁྱོད་ཀྱི་གཏམ་རྒྱུད་ཡོད།
༢༠༢༢/༡༡/༢༢ཉིན།
