རྩོམ་བྱང་། ཨ་མའི་གོམ་སྒྲ།
མིང་། ཐང་ལྷ།
སློབ་གྲྭ། ཆ་ཚང་གསུམ་པ།
འཛིན་གྲྭ། བཞི་བཅུ།
གོམ་སྒྲ་དེ། ངའི་ཡ་ཆུང་སེམས་ཀྱི་འཕར་སྒྲ་ཡིན། ངའི་ཁྲ་ཆུང་མིག་གི་འཁོར་ཕྱོགས་ཡིན། གོོམ་སྒྲ་དེས།ངའི་དར་ལུང་རྣ་བའི་ལོངས་སྤྱོད་ཡིན། ངའི་སྐྲ་ལོའི་ཁ་ཕྱོགས་དང་སྙན་ངག་གི་བླ་སྲོག་ཡིན། གོམ་སྒྲ་དེ། ངའི་སྙིང་ཁོང་ལ་གླུ་དང་གར་གྱི་བྲག་ཆ་བཞག། ང་ལ་གནའ་གཏམ་གྱི་ངོ་མཚར་གླེང་། ངས་ནམ་ཡང་ཨ་མའི་གོམ་སྒྲར་ཉན་ནས་ཡོད། ངས་ནམ་ཡང་ཨ་མའི་གླུ་སྐད་ལ་ཉན་ནས་ཡོད།བརྩེ་འཛུམ་གྱི་མེ་ཏོག་བཞད་བཅུག་པའི་གོམ་སྒྲ།
ཚེ་སྲོག་གི་འོད་མདངས་འཁྱིལ་བའི་གོམ་སྒྲ།ཨ་མའི་དཀའ་སྤྱོད་ཀྱི་ཞབས་རྗེས་གསལ་བའི་གོམ་སྒྲ། འཚོ་བའི་མྱ་ངམ་ཐང་ཆེན་རྡོག་འོག་ཏུ་མནན་པའི་གོམ་སྒྲ། བྱམས་དང་སྙིང་རྗེས་བརླན་པའི་གོམ་སྒྲ། མཛེས་སྡུག་གི་གོམ་སྒྲ། སྙན་འཇེབས་ཀྱི་བྱིས་གླུ་རེ་རེ་དང་འདྲ། ཟབ་བརླིང་གི་གོམ་སྒྲ། སྙིང་སྟོབས་དགུ་འགྱུར་གྱི་རི་རབ་ལྷུན་པོ་དང་འདྲ།སྙིང་ཐག་པ་ནས་གུས་འདུད་ཞུ། ཨ་མ་ལགས།ངའི་ཡིད་སེམས་ན་དྲོད་ཀྱིས་འཕྱོ་བའི་གོམ་སྒྲ།ང་རང་ཨ་མའི་སྙན་འཇེབས་ཀྱི་རྡོག་སྒྲའི་འགྱུར་ཁུག་ཁྲོད་ནས་ནར་སོན་བྱུང་། ང་རང་ཨ་མའི་སྤྱན་ཟུང་གི་འཛུམ་འོད་ཁྲོད་དུ་བདེ་བར་འཚོ་བཞིན་ཡོད། སྙིང་གི་ཁོང་དང་རུས་པའི་གཏིང་ནསབཀའ་དྲིན་ལན་བརྒྱར་ཞུ། ཨ་མ་ལགས་ནི་ང་ལ་ཚེ་སྲོག་གི་གླུ་ཆུང་སྩོལ་མཁན་དེ་ཡིན།
ཨ་མ་ལགས་ནི་ངའི་འཇིགས་མེད་ཀྱི་སྤོབས་པའི་འབྱུང་རྩ་དེ་ཡིན། ཨ་མ་ལགས་ནི་ངའི་མཛེས་སྡུག་གི་ཡིད་འཕྲོག་ལྷ་མོ་དེ་ཡང་ཡིན།
