དམའ་འབྲིང་གི་འཚོ་བ།

དུས་ཚོད་ནི་ཤིན་ཏུ་འགྲོ་མགྱོགས་པས་ཡུན་ཐུང་གི་དམའ་འབྲིང་ལོ་གསུམ་གྱི་འཚོ་བ་དེ་མིག་འབྱེད་འཛུམ་ཙམ་ཞིག་ལ་འདས་སོང་།
ལྷན་འཛོམས་ནི་ཁ་སང་གི་ལོ་རྒྱུས་སུ་སོང་ཞིང་། གྱེས་བྲལ་ནི་ང་ཚོའི་མིག་མདུན་དུ་ལྷག འདས་སོང་གི་ལོ་ཟླ་ནི་ཕྱིར་མིག་དང་དྲན་གསོ་ཙམ་ལས་མ་འདས་མོད། དགའ་སྐྱོ་འདྲེས་མའི་ལོ་གསུམ་གྱི་ལོ་རྒྱུས་དོན་དངོས་རེ་རེ་དལ་གྱིས་བསྒྱུར་ཚེ་བརྗེད་པར་དཀའ་བའི་གཏམ་རྒྱུད་གང་མང་ཞིག་ཀྱང་བསམ་པའི་འཆར་ཡན་གྱི་ངོས་སུ་མངོན་ཡོང་། ལོ་ཟླ་དེ་དག་གི་ནང་དུ་ང་ཚོས་མཉམ་ཅིག་ཏུ་དགེ་བའི་བཤེས་གཉེན་དམ་པའི་བསླབ་བྱ་ཉན་ཞིང་ཤེས་བྱའི་ཉིང་བཅུད་མཉམ་དུ་རོལ། ལྷན་ཅིག་ཏུ་བསམ་ཡུལ་ལས་འདས་པའི་རྩེད་མོར་གཡེང་ནས་རིན་བྲལ་གྱི་དུས་ཚོད་གང་མང་འཕྲོ་བརླག་བཏང་། ཆབས་ཅིག་ཏུ་སེམསགཅོང་ན་བའི་དཀའ་སྡུག་དུ་མ་ཁྱད་དུ་གསོད་མྱོང་། དུས་ཚིགས་དེ་དག་གི་ནང་དུ་དགོད་སྒྲ་ཡང་ཡོད་ལ་ངུ་ངག་ཀྱང་ཡོད། ཤེས་བྱའི་སྦྱངས་འབྲས་ཅུང་ཟད་བདོག་མོད། དུས་ཚོད་གང་མང་ཡང་ཆུད་ཟོས་སུ་བུད་སོང་། མཚམས་མཚམས་ལ་རང་ཉིད་ཀྱི་སྦྱངས་བརྩོན་ལས་བྱུང་བའི་གྲུབ་འབྲས་ལོན་པར་བྱ་དགའ་དང་གཟེངས་སུ་བསྟོད་ཅིང་། སྐབས་སྐབས་སུ་ང་ཚོས་ལས་བྱ་མ་འགྲུབ་པར་སློབ་བྱོལ་བྱས་ནས་དགེ་རྒན་གྱིས་དབྱུག་པས་ཁ་ལོ་བསྒྱུར་བའི་སྣང་བརྙན་དེ་དག་ལ་བསམ་གཞིག་ཅིག་བྱས་ཚེ་དགོད་བྲོ་བ་དང་ངུ་ཤོར་བའི་ཚོར་བ་ཅི་ཡང་སྦྱིན་ཐུབ།
དེ་བས་དམའ་འབྲིང་གི་འཚོ་བའི་ཁྲོད་དུ་དགའ་བ་ཡོད་ལ་སྐྱོ་བ་ཡང་ཡོད། འཚོ་བ་ལས་ཐོབ་པའི་ཉམས་མྱོང་རེ་རེ་ནི་མདུན་བསྐྱོད་ཀྱི་སྒུལ་ཤུགས་ཤིག་དང་འདྲ་བས། འུ་ཅག་ལྷན་དུ་འགྲོགས་པའི་ལོ་ཟླ་དེ་དག་དེ་དག་བརྗེད་དུ་མེད་ལ་རིན་ཐང་ཆེ་བའི་དྲན་རྟེན་ཞིག་ཏུ་བརྩི་འོས་སོ། །