སྟོད་ཆ།
སྨད་ཆ།
འཆད་ཁྲིད་གནང་མཁན་ངོ་སྤྲོད།
དགེ་རྒན་ཆེན་མོ་བཀྲ་བྷ། འབུམ་རམས་པ། 1963ལོར་མཚོ་སྔོན་མཚོ་ལྷོ་རུ་སྐྱེས། ད་སྐབས་ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་གླིང་གི་གླིང་གཙོ་གཞོན་པ་དང་། དགེ་རྒན་ཆེན་མོ་གཞོན་པ། བོད་ཀྱི་དེང་རབས་རྩོམ་རིག་ཕྱོགས་ཀྱི་ཤེས་རམས་པའི་མཛུབ་སྟོན་དགེ་རྒན་བཅས་ཡིན། ཁོང་གིས་དུས་ཡུན་རིང་པོར་རྩོམ་རིག་གསར་རྩོམ་དང་རིག་གཞུང་ཞིབ་འཇུག་གི་ལས་ཀ་གཉེར་ཏེ། སྔ་ཕྱིར་སྒྲུང་གཏམ་དང་སྙན་ངག ལྷུག་རྩོམ། རིག་གཞུང་དཔྱད་རྩོམ་སོགས་བརྩམས་ཆོས་བརྒྱ་ལྷག་སྤེལ་བ་དང་། རྩོམ་རིག་བརྩམས་ཆོས«སྒྲོལ་མ་ཉེར་གཅིག»«སྲིན་པོ་གཡུ་རྔོག་དང་ཉི་མ་ལྷ་ས»«འཚུབ་མ་ཁེར་རྐྱང» བསླབ་དེབ«རྩོམ་པ་ལ་འཇུག་པའི་སྒོ»«གསར་འགྱུར་རྩོམ་པ་ལ་འཇུག་པའི་སྒོ» རིག་གཞུང་ཞིབ་འཇུག་གི་འབྲས་རྟགས་སུ«བོན་གྱི་ལྷ་རབས་ལ་དཔྱད་པ»«ཁྲི་འདུས་སྲོང་གི་མགུར་གླུར་དཔྱད་པ»སོགས་པར་སྐྲུན་འགྲེམས་སྤེལ་བྱས། སྒྲུང་གཏམ«ར་བྷ་འདྲེ་མིག་དང་རིན་ཆེན་རྐྱལ་ཁ»«སྲིན་པོ་གཡུ་རྔོག་དང་ཉི་མ་ལྷ་ས»«ནས»«འཚུབ་མ་ཁེར་རྐྱང»བཅས་ལ་སྔ་ཕྱིར་བཅས་ལ་སྔ་ཕྱིར་མཚོ་སྔོན་ཞིང་ཆེན་གྱི་སྐབས་དང་པོའི་ན་གཞོན་རྩོམ་རིག་བྱ་དགའ་དང་། སྐབས་གསུམ་པའི་སྦྲང་ཆར་རྩོམ་རིག་བྱ་དགའ། སྐབས་བདུན་པའི་སྦྲང་ཆར་རྩོམ་རིག་བྱ་དགའ། སྐབས་བཅུ་བའི་རྒྱལ་ཡོངས་གྲངས་ཉུང་མི་རིགས་རྩོམ་རིག་གསར་རྩོམ་ཐད་ཀྱི་རྟ་མཆོག་བྱ་དགའ་བཅས་ཐོབ། གཞན་ཁོང་ལ་པེ་ཅིན་གྲོང་ཁྱེར་གྱི་ཕུལ་བྱུང་དགེ་རྒན་གྱི་མཚན་སྙན་དང་། པའོ་ཀང་ཕུལ་བྱུང་དགེ་རྒན་གྱི་ཁྱད་འཕགས་བྱ་དགའི་མིང་འདོན་བྱ་དགའ་སོགས་ཐོབ།
