ཨ་མདོ་རྫོང་ནི་བོད་རང་ལྗོངས་ལྗོངས་ཀྱི་བྱང་ཕྱོགས་ཏེ་རི་བོ་གདང་ལའི་ལྷོ་ བྱང་ཕྱོགས་སུ་གནས་ཤིང་། བོད་རང་ལྗོངས་ལྗོངས་ཀྱི་བྱང་སྒོ་ཆེན་མོ་ཞེས་པའི་ མཚན་སྙན་ལྡན་ཡོད།
ཨ་མདོ་རྫོང་སློབ་འབྲིང་ནི་སྤྱི་ལོ༡༩༩༣ལོའི་ཟླ༡༠པའི་ཚེས༢༥ཉིན་དངོས་སུ་ བཙུགས་ཤིང་།སློབ་གྲྭ་འདིར་ཏང་གི་རྩ་འཛུགས་དང་།ཐོན་ཀྲུའུ་པུའུ།དགེ་བཟོ་ ཚོགས་པ།བུད་མེད་ཚོགས་པ།སློབ་མའི་ཚོགས་པ་སོགས་ཀྱང་བཙུགས་ཡོད་པར་མ་ ཟད།འགོ་ཁྲིད་ཚོགས་པ་ལ་མིག་སྔར་སློབ་གཙོ་ཁང་དང་།སློབ་སྟོན་ཁང་།ཆབ་སྲིད་སློབ་སྟོན་ཁང་། སྤྱི་གཉེར་ཁང་བཅས་ཡོད། སློབ་དཔྱོད་ཁང་ལ་བོད་སྐད་ཡིག་དང་། རྒྱ་ཡིག རྩིས་རིག དངོས་ལུགས། རྫས་འགྱུར། ཆབ་སྲིད། ལོ་རྒྱུས། དབྱིན་ཡིག མཛེས་རྩལ།གླུ་དབྱངས།ལུས་རྩལ་སོགས་བཙུགས་ཡོད།ད་ལྟ་སློབ་གྲྭའི་གཞུང་སྒྲུབ་ ཁང་དང་།དགེ་སློབ་སྡོད་ཁང་།ཚོད་ལྟའི་ཁང་།དཔེ་མཛོད་ཁང་།དགེ་བཟོའི་གཞིས་ཁྱིམ།སློབ་མའི་ཟ་ཁང་སོགས་ཁང་པ་གསར་པས་བཀངས་ཡོད།ལོ་ངོ་ཉི་ཤུ་ལྷག་གི་ རིང་དུ་རང་རྫོང་གི་སློབ་མ་སྟོང་ཕྲག་མང་པོ་ཞིག་གསོ་སྐྱོང་བྱས་ཏེ་ཨ་མདོ་རྫོང་ ཡོངས་ཀྱི་རིག་གནས་དང་དཔལ་འབྱོར།ཆབ་སྲིད་བཅས་འཕེལ་རྒྱས་གཏོང་བར་ མཛད་རྗེས་མི་དམན་པ་བཞག་ཡོད།སློབ་འབྲིང་འདི་ནས་སློབ་ཐོན་ཕྱིན་པའི་སློབ་མ་མང་པོ་ཞིག་རྒྱལ་ནང་གི་ཞིང་ཆེན་སོ་སོའི་སློབ་གྲྭ་ཆེ་འབྲིང་དུ་སློབ་གཉེར་དུ་ འགྲིམས་མྱོང་བ་དང་།སློབ་མ་མང་པོ་ཞིག་ད་ལྟ་སྤྱི་ཚོགས་སྟེང་གི་ལས་རིགས་སོ་ སོའི་རྐང་འཛིན་མི་སྣར་གྱུར་ཡོད།སྤྱི་ལོ༢༠༠༣ལོ་ནས་བཟུང་སྟེ་སློབ་འབྲིང་འདིའི་ནང་དུ་ལས་རིགས་ལག་རྩལ་སློབ་གྲྭ་གསར་དུ་བཙུགས་ཤིང་།སློབ་གྲྭ་འདིར་བོད་ སྨན་འཛིན་གྲྭ་དང་།མཛེས་རྩལ་འཛིན་གྲྭ།འཚེམ་བཟོའི་འཛིན་གྲྭ།ལྕགས་བཟོ་དང་ཤིང་བཟོའི་འཛིན་གྲྭ་སོགས་འཛིན་གྲྭ་སོགས་འཛིན་གྲྭ་སྣ་མང་བསྡུས་ཏེ།རང་ འབྲོག་མང་ཚོགས་ཀྱི་འཚོ་བ་དངོས་ལ་ཞབས་འདེགས་ཞུ་བའི་ཤེས་ལྡན་པ་མང་པོ་ ཞིག་གསོ་སྐྱོང་བྱས་པས།བོད་རང་སྐྱོང་ལྗོངས་དང་ནག་ཆུ་ས་གནས།རྫོང་སྲིད་ གཞུང་།རང་འབྲོག་མང་ཚོགས་ཡོངས་ཀྱིས་གཟེངས་བསྟོད་ཐེངས་མང་ཐོབ་མྱོང་། ད་ལྟ་སློབ་འབྲིང་འདི་ལ་དགེ་བཟོ་པ་ཁྱོན་བསྡོམས༡༢༠ཡོད་ཅིང་།འཛིན་གྲྭ༤༤ ལྷག་སྟེ་སློབ་མ༢༣༥༣ལྷག་ཡོད།
ཨ་མདོ་རྫོང་སློབ་འབྲིང་གི་སློབ་རྟགས།
བོད་ལུགས་ཅན་གྱི་སློབ་གྲྭའི་སྒོ་ཆེན།
སློབ་ཁྲིད་ཐོག་ཁང་།
སློབ་གྲྭའི་གློག་ཀླད་ཁང་།
སློབ་མའི་ཟ་ཁང་།
སློབ་མའི་ཉལ་ཁང་།
སློབ་མས་ལུས་རྩལ་སྦྱོང་བཞིན་པ།
སློབ་མས་འཚེམ་བཟོ་སྦྱོང་བཞིན་པ།
